Japon qyzy Olımpıadada altyn júlde ala ma?

Jıyrma jastaǵy Akarı Fýjınamı — áıelder kúresinen Japonııa men álemniń birinshi nómirli palýany. Ol jeti jyl boıy eshkimnen jeńilmegen. О́z salmaǵynda úzdik atanǵan A.Fýdjınamı bıylǵy Olımpııalyq oıyndarǵa 53 kg salmaq dárejesinde qatysady.

Byltyr Astanada kúres túrlerinen ótken Azııa chempıonatyna Kúnshyǵys eliniń komandasy da qatysty. Sol jarysta áıelder kúresinen Japonııa quramasynyń bas jattyqtyrýshysy Kanehama Rıodan suhbat aldym. Onyń aıtýynsha, Japonııada 53 myń qyz kúrespen aınalysady eken.

Men odan: «Dúnıe júzi boıynsha áıelder kúresinen japondar birinshi orynda emes pe? Nege kúrespen aınalysatyndar az?» — dep suraǵanymda, ol «О́ıtkeni, bizde áıelder kúresine qyzyǵýshylyq az. Kóbi taekvondo, dzıýdo, basketbol men sporttyń basqa da túrlerine qyzyǵady, — dep jaýap berdi.

Jalpy, japon qyzdary 2004-2020 jyldary 20 júlde alǵan. Onyń 15-i altyn, úsheýi kúmis, ekeýi qola medal eken.

Kaorı Ite – tórt ret Olımpıadada top jarsa, Saorı Esıdo – úsh altyn, Rısako Kavaı – eki altyn medal alypty. Al Hıtomı Obara, Erı Tosaka, Sara Dose, Iýı Sýzakı, Maıa Mýkaıda, Iýkako Kavaı bir-birden Olımpıada chempıony atanǵan.

A.Fýdjınamı eki dúrkin álem jáne eki márte Azııa chempıony jáne Azııa oıyndarynyń chempıony bolǵan. Ázirge basy bos 20 jastaǵy japon qyzynyń statıstıkasy tańqalarlyq. Ol 35 ret beldesip, 22 otandyq, 13 sheteldik týrnırlerdi jeńip alǵan. 130 ret boz kilemge shyǵyp, sonyń bárinde jeńipti.

Parıj Olımpıadasynyń bastalýyna az ǵana ýaqyt qaldy. Kúnshyǵys eliniń alty qyzy 6 salmaq dárejesinde qatysyp, 3-4 altyn júlde alatyn shyǵar. Japonnyń názik jandary úsh jyl buryn Tokıoda (50, 53, 57 jáne 62 kg) 4 altyn medal aldy.

Aıbek MUHANOV,

Mańǵystaý oblysy