SportPress.kz Қазақстан спорт жаңалықтары
Нысана көздеуден Қазақстан құрамасының бас жаттықтырушысы Ольга Довгун Олимпиялық ойындарға қатысатын спортшылар тізімін жариялады.
Бас жаттықтырушының айтуынша, Олимпиадаға лицензия алған спортшылардың бәрі жазғы ойындарға қатысады. Яғни, лицензияны алған соң, оларға жолдама берілген.
Қазақстан құрамасы сапында Никита Чирюкин, Александра Ле, Ислам Сәтпаев, Константин Малиновский, Арина Алтухова мен Ирина Юнусметова нысана көздеуден сынға түседі.
Қазір ел қоржынында спорттың 22 түрінен 71 жолдама бар. Лицензиялық жарыстар әлі жалғасып жатыр.
Соңғы рет Олимпиялық ойындарға жолдаманы үстел теннисінен Қазақстан командасының көшбасшысы Кирилл Герасименко жеңіп алды.
Дастан КЕНЖАЛИН,
АСТАНА
