قازاقستان پاراليمپياداعا تاعى ءبىر جولداما الدى

پارا جۇزۋدەن پاراديمپيادا ويىندارىنىڭ چەمپيونى زۋلفيا گابيدۋللينا  XVII جازعى پاراليمپيادا ويىندارىنا جولداما الدى.

زۋلفيا گابيدۋللينا 2016 جىلى برازيليانىڭ ريو-دە-جانەيرو قالاسىندا وتكەن ويىنداردا چەمپيون اتانعان ەدى. ەندى مىنە، سپورتشى ەل تاريحىندا ءتورتىنشى رەت پاراليمپيادا ويىندارىندا ەل نامىسىن قورعايتىن بولادى.

بۇل — ەلىمىزدىڭ پاراليمپيادا ويىندارىنا 14-ليتسەنزياسى. بۇعان دەيىن جولدامانى پارا پاۋەرليفتينگتەن داۆيد دەگتيارەۆ، پارا جەڭىل اتلەتيكادان داستان مۇقاشبەكوۆ، ۆولەيبولدى وتىرىپ ويناۋدان ۇلتتىق قۇراما، پارا وق اتۋدان ەركىن عابباسوۆ،  پارا تاەكۆوندودان نۇرلان دومباەۆ، كاميليا دوسمالوۆا، نىشان ءومىرالى، پارا كانوەدان سپاتاي بيبارىس پەن جانىل بالتاباەۆا، پارا ۇستەل تەننيسىنەن الي ماحۋلبەكوۆ پەن پارا جۇزۋدەن قۇراما ءۇش جولداما العان بولاتىن.

ايتا كەتسەك، XVII جازعى پاراليمپيادا ويىندارى تامىزدىڭ 28-ءى مەن قىركۇيەكتىڭ 8-ءى ارالىعىندا پاريجدە وتەدى.

جارىس سپورتتىڭ 23 تۇرىنەن ۇيىمداستىرىلادى. ليتسەنزيالىق جارىستار ءالى جالعاسۋدا.

قۇرالاي ءاشىمحانوۆا،

استانا