فۋتبولدان امەريكا كۋبوگى باستالدى (ۆيدەو)

اقش-تا فۋتبولدان XXXXVIII امەريكا كۋبوگى ءۇشىن تۋرنير باستالدى. ول قۇراما شتاتتاردىڭ 14 قالاسىندا بولادى.

تۋرنيرگە وڭتۇستىك امەريكادان (كونمەبول) 10 ەلدىڭ ۇلتتىق قۇراماسى، سولتۇستىك جانە ورتالىق امەريكا مەن كاريب باسسەينى (كونكاكاف) مەملەكەتتەرىنىڭ 6 كومانداسى قاتىسادى.

بۇگىن استانا ۋاقىتى بويىنشا تاڭەرتەڭ ساعات 05:00-دە امەريكا كۋبوگى ءۇشىن ءتۋرنيردىڭ العاشقى ويىنىن بولدى. وندا «ا» توبىندا وينايتىن ارگەنتينا مەن كانادا ەلدەرىنىڭ قۇرامالارى الاڭعا شىقتى. بۇل ماتچ 2:0 ەسەبىمەن ارگەنتينانىڭ جەڭىسىمەن اياقتالدى.

كەزدەسۋدە الۆارەس پەن مارتينەس گول سالىپ، ءوز ەلدەرىنە العاشقى جەڭىستى سىيلادى.

بۇل توپتاعى ەكىنشى ماتچ پەرۋ مەن چيلي اراسىندا بولادى.

امەريكا كۋبوگى ءۇشىن تۋرنيردە 4 توپقا بولىنگەن 16 كوماندا وينايدى. كۋبوكتىڭ فينالى 15 شىلدەگە جوسپارلانعان.

اتاپ ايتقاندا، قۇرامالار مىنا توپقا بولىنگەن:

ا توبى: ارگەنتينا، پەرۋ، چيلي، كانادا.

ۆ توبى: مەكسيكا، ەكۆادور، ۆەنەسۋەلا، يامايكا.

س توبى: اقش، ۋرۋگۆاي، پاناما، بوليۆيا.

D توبى: برازيليا، كولۋمبيا، پاراگۆاي، كوستا-ريكا.

امەريكا كۋبوگى ءۇشىن تۋرنير 1910 جىلدان بەرى وتكىزىلىپ كەلەدى. ول كەزدە كونمەبول ەلدەرىنىڭ جارىسى رەسمي تۇردە اتاۋ العان جوق. تۋرنير رەسمي تۇردە 1916 جىلى جالاۋىن جەلبىرەتتى. سول كەزدەن بەرى 1975 جىلەعا دەيىن ول وڭت.ستىك امەريكا چەمپيوناتى دەگەن اتاۋمەن وتكىزىلدى. سودان كەيىن چەمپيوناتتىڭ اتاۋى امەريكا كۋبوگى دەپ وزگەردى.

1916 جىلدان وسى ۋاقىتقا دەيىن ارگەنتينا قۇراماسى 15 رەت جەڭىمپاز اتانىپ، 14 رەت كۇمىس مەدالگە جانە 5 رەت قولا جۇلدەگە يە بولدى.

ۋرۋنۆاي كومانداسى دا 15 رەت كۋبوكتىڭ يەگەرى اتاندى. 6 رەت كۇمىس جۇلدەگەر بولسا، 9 رەت قولا مەدالدى قاناعات تۇتتى. برازيليا 9 رەت كۋبوكتى باسىنان اسىرسا، 12 رەت ەكىنشى، 7 رەت ءۇشىنشى ورىندى يەلەندى.

پاراگۆايدىڭ فۋتبولشىلارى 1953 جانە 1979 جىلدارى ۇزدىك اتاندى. 6 رەت كۇمىس مەدالدى، 7 رەت قولا جۇلدەگەر اتاعىن جەڭىپ الدى.

چيلي دە كۋبوكتىڭ ەكى دۇركىن يەگەرى. بۇل ەلدىڭ قۇراماسى 4 رەت ەكىنشى، 5 رەت ءۇشىنشى ورىنعا يە بولدى. پەرۋ دە 1939 جانە 1975 جىلدارى كۋبوكتىڭ يەسى بولدى. ءبىر مارتە كۇمىس مەداليست اتاندى. 8 رەت قولا جۇلدەنى موينىنا تاقتى.

كولۋمبيا ءبىر رەت جەڭىمپاز اتاندى.  ول ەكىنشى ورىن دا الىپ كوردى. سونىمەن بىرگە امەريكا كۋبوگىنىڭ 8 دۇركىن قولا جۇلدەگەر اتاعىن دا الدى. بوليۆيا دا كۋبوكتان قۇرالاقان قالان ەمەس. بۇل مەملەكەتتىڭ ۇلتتىق قۇراماسى 1963 جىلى كۋبوكتىڭ يەگەرى بولسا، تاعى ءبىر رەت كۇمىس مەدالدى يەلەندى.

مەكسيكا مەن گوندۋراس ءبىر دە ءبىر رەت كۋبوكتىڭ يەگەرى بولعان جوق. بىراق مەكسيكالىقتار 2 رەت كۇمىس جۇلدەنى، 3 رەت قولا مەدالگە يە بولدى. گوندۋراس بولسا ءوز تاريحىندا جالعىز قولا جۇلدەنى قاناعات ەتىپ كەلەدى.

2021 جىلى امەريكا كۋبوگىن ارگەنتينا قۇراماسى جەڭىپ الدى. ولار فينالدا برازليانى 1:0 ەسەبىمەن جەڭدى.

ەندى بيىلدان باستاپ تۋرنير ءتورت جىلدا ءبىر رەت وتكىزەلەتىن بولىپ شەشىلدى. كەلەسى جارىس 2028 جىلى بولادى.

 

داستان كەنجالين،

استانا