Fýtboldan Amerıka kýbogy bastaldy (VIDEO)

AQSh-ta fýtboldan XXXXVIII Amerıka kýbogy úshin týrnır bastaldy. Ol Qurama Shtattardyń 14 qalasynda bolady.

Týrnırge Ońtústik Amerıkadan (KONMEBOL) 10 eldiń ulttyq quramasy, Soltústik jáne Ortalyq Amerıka men Karıb basseıni (KONKAKAF) memleketteriniń 6 komandasy qatysady.

Búgin Astana ýaqyty boıynsha tańerteń saǵat 05:00-de Amerıka kýbogy úshin týrnırdiń alǵashqy oıynyn boldy. Onda «A» tobynda oınaıtyn Argentına men Kanada elderiniń quramalary alańǵa shyqty. Bul match 2:0 esebimen Argentınanyń jeńisimen aıaqtaldy.

Kezdesýde Alvares pen Martınes gol salyp, óz elderine alǵashqy jeńisti syılady.

Bul toptaǵy ekinshi match Perý men Chılı arasynda bolady.

Amerıka kýbogy úshin týrnırde 4 topqa bólingen 16 komanda oınaıdy. Kýboktyń fınaly 15 shildege josparlanǵan.

Atap aıtqanda, quramalar myna topqa bólingen:

A toby: Argentına, Perý, Chılı, Kanada.

V toby: Meksıka, Ekvador, Venesýela, Iamaıka.

S toby: AQSh, Ýrýgvaı, Panama, Bolıvııa.

D toby: Brazılııa, Kolýmbııa, Paragvaı, Kosta-Rıka.

Amerıka kýbogy úshin týrnır 1910 jyldan beri ótkizilip keledi. Ol kezde KONMEBOL elderiniń jarysy resmı túrde ataý alǵan joq. Týrnır resmı túrde 1916 jyly jalaýyn jelbiretti. Sol kezden beri 1975 jyleǵa deıin ol Ońt.stik amerıka chempıonaty degen ataýmen ótkizildi. Sodan keıin chempıonattyń ataýy Amerıka kýbogy dep ózgerdi.

1916 jyldan osy ýaqytqa deıin Argentına quramasy 15 ret jeńimpaz atanyp, 14 ret kúmis medalge jáne 5 ret qola júldege ıe boldy.

Ýrýnvaı komandasy da 15 ret kýboktyń ıegeri atandy. 6 ret kúmis júldeger bolsa, 9 ret qola medaldi qanaǵat tutty. Brazılııa 9 ret kýbokty basynan asyrsa, 12 ret ekinshi, 7 ret úshinshi oryndy ıelendi.

Paragvaıdyń fýtbolshylary 1953 jáne 1979 jyldary úzdik atandy. 6 ret kúmis medaldi, 7 ret qola júldeger ataǵyn jeńip aldy.

Chılı de kýboktyń eki dúrkin ıegeri. Bul eldiń quramasy 4 ret ekinshi, 5 ret úshinshi orynǵa ıe boldy. Perý de 1939 jáne 1975 jyldary kýboktyń ıesi boldy. Bir márte kúmis medalıst atandy. 8 ret qola júldeni moınyna taqty.

Kolýmbııa bir ret jeńimpaz atandy.  Ol ekinshi oryn da alyp kórdi. Sonymen birge Amerıka kýbogynyń 8 dúrkin qola júldeger ataǵyn da aldy. Bolıvııa da kýboktan quralaqan qalan emes. Bul memlekettiń ulttyq quramasy 1963 jyly kýboktyń ıegeri bolsa, taǵy bir ret kúmis medaldi ıelendi.

Meksıka men Gondýras bir de bir ret kýboktyń ıegeri bolǵan joq. Biraq meksıkalyqtar 2 ret kúmis júldeni, 3 ret qola medalge ıe boldy. Gondýras bolsa óz tarıhynda jalǵyz qola júldeni qanaǵat etip keledi.

2021 jyly Amerıka kýbogyn Argentına quramasy jeńip aldy. Olar fınalda Brazlııany 1:0 esebimen jeńdi.

Endi bıyldan bastap týrnır tórt jylda bir ret ótkizeletin bolyp sheshildi. Kelesi jarys 2028 jyly bolady.

 

Dastan KENJALIN,

ASTANA