Qazaqstan ázirshe Olımpıadaǵa 80 lıenzııa alyp otyr

Elimizdiń sportshylary jazǵy Olımpııalyq oıyndarǵa sporttyń 70 túrinen 80 lıenzııany jeńip alyp otyr. Sonyń ishinde 45 sportshy alǵash ret Olımpıadaǵa qatysady.

Ázirshe Olımpıadaǵa sońǵy ret Majarstannyń Býdapesht qalasynda breıkıng, sporttyq quzǵa órmeleý, skeıtbordıng pen BMX-frıstaıldan ótken lıenzııalyq týrnırdiń ekinshi serııasynda  Ámir Zákirov pen Ámir Maımuratov joldamany jeńip aldy.

Breıkıngten el namysyn qorǵaǵan Ámir Zákirov fınalda Nıderland ókili Lı Vınske ese jiberip (2:1), kúmis medal alsa da Olımpıadanyń joldamasyna ıe boldy. Sol sııaqty sporttyq quzǵa órmeleýden «jyldamdyq» sanatynda óner kórsetken Ámir Maımuratov fınalda qytaılyq qarsylasynan (4.90 sekýnd) artta qalyp, ekinshi orynmen qatar, Olımpıadanyń lıenzııasyn ıelendi.

Jalpy, bıyl elimiz jazǵy Olımpıadaǵa táýelsizdik alǵan kezden bergi ýaqytta sanaǵanda segizinshi ret qatysqalyp otyr.  Eýropa qurlyǵynda úshinshi ret baq synaıdy. Buǵan deıin 2004 jyly Grekııanyń Afına qalasy men 2012 jyly Ulybrıtanııanyń London qalasynda jalaýy kóterilgen Oıyndarǵa qatysqan bolatyn.

Bıylǵy Olımpıadada 10 boksshymyz sharshy alańǵa shyǵady.

Olımpıadaǵa baratyndardyń arasyndaǵy eń tájirıbelis sportshy ol— 31 jastaǵy Vladıslav Iakovlev (akademııalyq eskek esý). Bul sportshy 2012 jylǵy London Olımpıadasynan beri turaqty túrde qatysyp keledi.

Parıj Olımpıadasyndaǵy eń jas sportshy — 17 jastaǵy Batyrhan Tóleýǵalı (taekvondo)

Eń egde sportshy — 37 jastaǵy Elmır Álimjanov (semserlesý)

Olımpıadanyń irikteý kezeńderi áli aıaqtalǵan joq,

Dastan KENJALIN,

ASTANA