دەنيس تەنگە قۇرمەت تۋرالى بىرەر ءسوز…

قازاقتىڭ اق ايدىنداي جارىعى دەنيس تەن.

سەنىڭ مۇزدا ويناقتاپ، ونىڭ استىنداعى قارا جەرگە ەنگەنىڭە مىنە، بيىل التىنشى جىلعا دا كەتتى.

الەم سەنىڭ  قۇرمەتىڭە «Denis Ten Memorial Challenge» سايىسىن ايدىنعا اكەلدى. سەن بار دا جارعاق قۇلاعى جاستىققا تيمەيتىن جانكۇيەرلەرىڭمەن مۇز سارايىندا ينە شانشار ورىن بولمايتىن. سەنىڭ بىزگە بەيمالىم الەمگە بەت العانىنا التىنشى جىل بولسا دا كەشەگى جارىسقا جينالعان جانكۇيەرلەرىڭنىڭ سانىندا ەسەپ بولمادى. بۇل بالكي قازاقتىڭ مۇز جاستانعان ۇلىن اڭساۋى باسىلماعانىنان بولار….

جۇرتىڭدى ءبىر جۇدىرىقتاي جۇمىلدىرا جيىستىرعان «الماتى ارەناڭ» سىلتىدەي تىنىپ، سول ءبىر ۋنيۆەرسيادا ويىندارىنداعى دۋىلداپ قويا بەرگەن شاقتى اڭساپ تۇرعانداي. قۇددى الىپ شاھار مەن ەمەس پە ەم دەيتىندەي.

سەنى كوگىلدىر ەكرانداعى تاپ-تازا تەلەكورسەتىلىمنەن كورىپ، اتاۋىڭ بەرىلگەن دارەجەلى سايىستى دا ءدال سولاي تاماشالارمىز دەسەك، جارقىل-جۇرقىل الۋان تۇسكە ەنىپتى. تەلەديدار مەن الەۋمەتتىك جەلىدەگى قاتىسۋشى ەل اتاۋى كورسەتىلەر جەردەن كوك بايراقتى كورىپ ۇيرەنگەن كوزىمىز ەكران بەتىن جاپقان ال-قىزىل ءتۇستى جازۋلارعا تاپ بولدى. سەكىرىسىڭە، بي قيمىلىڭا، ادىم جولدارىڭا بەرىلگەن باعانى زامانالى تەحنولوگيا سەبىنەن تۋعان «لەزدە كورسەتكىش» كەستەسىنەن ەلەمەنت اتاۋىمەن قوسا كورىپ، مانەرلەپ سىرعاناۋدىڭ ءىش قازانىندا قايناپ حاباردار بولىپ قالعان بىزدەر «اتى بار زاتى جوق» قيمىل اتاۋلارى جازىلعان ءداۋ كەستەگە ءمانسىز ۇڭىلدىكتە قالدىق.

سەن بار دا سەنىڭ اتاۋىڭ بار تۋرنيرگە قوعام قۇلاعىن ەلەڭ ەتكىزەر قازاق باق-دا ۇگىت-ناسيحات حابارىن جەتەر شەگىنە جەتكىزە ايتۋشى ەدى. ەندى سول ءۇندى ءدال سولاي شىقپاعان سوڭ با قۇلاق تا ەمىس-ەمىس ەسكە الۋدا.

قارىنداسىڭ، ءىزباسارىڭ مۇز حانشايىمى ەليزابەت تۇرسىنباەۆا ءىزىن كوك تۋىڭ استىنا كوشىپ كەپ تۋىسىڭا اينالعان كورشى قىز ورنەگى باسقانى وڭ با ونى دا بىلمەيمىز.

قازاق تۋماسا دا قازاقتىڭ جەرى تۋدىرعان ق ۇلىنشاق. جەر كىندىگىنەن الىستاعى، حالقى كوپ شاھار قالادان قۇس قاناتى تالىپ جەتەر ورتالىقتا — استانادا وتكەن مۇز مارەسى ونى مەنمەندەپ تۇرعان چەللەندجدەر(تۋرنير) قاتارىنا  لايىكتاپ جاتقان ەل ايدىنىڭ  جايلى بىرەر ءسوزىم وسىمەن ءتامام …

ءدىلناز بيشەر

الماتى