SportPress.kz Qazaqstan sport jańalyqtary
Qazaqtyń aq aıdyndaı jaryǵy Denıs Ten.
Seniń muzda oınaqtap, onyń astyndaǵy qara jerge engenińe mine, bıyl altynshy jylǵa da ketti.
Álem seniń qurmetińe «Denis Ten Memorial Challenge» saıysyn aıdynǵa ákeldi. Sen bar da jarǵaq qulaǵy jastyqqa tımeıtin jankúıerlerińmen muz saraıynda ıne shanshar oryn bolmaıtyn. Seniń bizge beımálim álemge bet alǵanyna altynshy jyl bolsa da keshegi jarysqa jınalǵan jankúıerlerińniń sanynda esep bolmady. Bul bálkı qazaqtyń muz jastanǵan ulyn ańsaýy basylmaǵanynan bolar….
Jurtyńdy bir judyryqtaı jumyldyra jıystyrǵan «Almaty Arenań» siltideı tynyp, sol bir Ýnıversıada oıyndaryndaǵy dýyldap qoıa bergen shaqty ańsap turǵandaı. Quddy alyp shahar men emes pe em deıtindeı.
Seni kógildir ekrandaǵy tap-taza telekórsetilimnen kórip, ataýyń berilgen dárejeli saıysty da dál solaı tamashalarmyz desek, jarqyl-jurqyl alýan túske enipti. Teledıdar men áleýmettik jelidegi qatysýshy el ataýy kórsetiler jerden kók baıraqty kórip úırengen kózimiz ekran betin japqan al-qyzyl tústi jazýlarǵa tap boldy. Sekirisińe, bı qımylyńa, adym joldaryńa berilgen baǵany zamanaly tehnologııa sebinen týǵan «lezde kórsetkish» kestesinen element ataýymen qosa kórip, mánerlep syrǵanaýdyń ish qazanynda qaınap habardar bolyp qalǵan bizder «aty bar zaty joq» qımyl ataýlary jazylǵan dáý kestege mánsiz úńildikte qaldyq.
Sen bar da seniń ataýyń bar týrnırge qoǵam qulaǵyn eleń etkizer qazaq BAQ-da úgit-nasıhat habaryn jeter shegine jetkize aıtýshy edi. Endi sol úndi dál solaı shyqpaǵan soń ba qulaq ta emis-emis eske alýda.
Qaryndasyń, izbasaryń muz hanshaıymy Elızabet Tursynbaeva izin kók týyń astyna kóship kep týysyńa aınalǵan kórshi qyz órnegi basqany oń ba ony da bilmeımiz.
Qazaq týmasa da qazaqtyń jeri týdyrǵan qulynshaq. Jer kindiginen alystaǵy, halqy kóp shahar qaladan qus qanaty talyp jeter ortalyqta — Astanada ótken muz máresi ony menmendep turǵan chellendjder(týrnır) qataryna laıyktap jatqan el aıdynyń jaıly birer sózim osymen támam …
Dilnaz BIShER
ALMATY
