بي ستيلدەرىنىڭ شايقاسى

الماتىدا Gorilla Style Wars حالىقارالىق چەمپيوناتىنىڭ فينالىن وتكىزۋگە بايلانىستى ءباسپاسوز كونفەرەنتسياسى ءوتتى.

Gorilla Style Wars – بۇل جاي عانا بي ەمەس، كوشەدەگى بي ءستيلىنىڭ ناعىز شايقاسى. جىل سايىن 2000-نان استام ادام كوشە بيلەرىن تاماشالاۋ ءۇشىن جينالادى. بۇل مەرەكەنىڭ بىرەگەيلىگى ونىڭ تۇجىرىمداماسىندا جاتىر: ءاربىر شاقىرىلعان ساراپشى  HIP-HOP، POPPING، BREAKING نەمەسە KRUMP بولسىن، ءوز نوميناتسياسىن باعالايدى. سودان كەيىن باتل فيناليستەرى ءبىر-بىرىنە قارسى كۇرەسەتىن كوماندالاردى قۇرا وتىرىپ، تورەشىلەرمەن بىرىگەدى. ناتيجەسىندە ءبىر عانا ستيل جەڭىسكە جەتەدى، بۇل Gorilla Style Wars-تى شىنىمەن بىرەگەي جانە قىزىقتى ءىس-شارا ەتەدى.

بيىل ىرىكتەۋ كەزەڭدەرى وزبەكستان، قىرعىزستان، تاجىكستان جانە ءازىربايجاندا ءوتتى، بۇل مەرەكەنىڭ حالىقارالىق اۋقىمدى ەكەنىن  كورسەتەدى. كوشە بيلەرى الەمدىك بي ساحناسىنىڭ ماڭىزدى بولىگىنە اينالدى. كوپتەگەن بيشىلەر ءتۇرلى الاڭداردا ونەر كورسەتىپ، بەينەكليپتەر مەن جارنامالارعا ءتۇسۋ، سونداي-اق بي ستۋديالارىندا وقىتۋ ارقىلى مانساپ جاسايدى. Gorilla Style Wars ۇيىمداستىرعان چەمپيوناتتار قاتىسۋشىلارعا كاسىبيلىك پەن جاڭا مۇمكىندىكتەرگە جول اشادى.

Gorilla Style Wars — بۇل الماتىنىڭ جەرتولەلەرىنەن باستالىپ، ۋاقىت وتە كەلە الەمنىڭ تۇكپىر-تۇكپىرىنەن كەلگەن بيشىلەر مەن شىعارماشىل ادامداردى بىرىكتىرەتىن حالىقارالىق مەرەكەگا اينالعان قازاقستاندىق جوبا. بۇگىندە GSW — بۇل جاي عانا بي باتالى ەمەس، ناعىز مادەني پلاتفورما، ول جاڭا ۇرپاقتى ءوزىن-ءوزى تانۋعا جانە بي ارقىلى دامىتۋعا شابىتتاندىرادى. جىل سايىن جوبا اۋقىمى ارتىپ، ىرىكتەۋ تۋرلارىنىڭ گەوگرافياسىن كەڭەيتە تۇسۋدە. بۇل كوپتەگەن قاتىسۋشىلارعا وزدەرىن كورسەتۋگە جانە ءوز ىسىندە كاسىپقوي بولۋعا مۇمكىندىك بەرەدى. GSW بيشىلەرگە ءوز داعدىلارىن كورسەتىپ قانا قويماي، پىكىرلەس ادامداردى تاۋىپ، تاجىريبە الماسىپ، جاڭا يدەيالارعا شابىت بەرۋگە كومەكتەسەدى،  — دەدى Gorilla Style Wars كومپانياسىنىڭ ۇيىمداستىرۋشىسى مارات ياگفاروۆ.

نۇرلان قۇمار،

الماتى