Bı stılderiniń shaıqasy

Almatyda Gorilla Style Wars halyqaralyq chempıonatynyń fınalyn ótkizýge baılanysty baspasóz konferenııasy ótti.

Gorilla Style Wars – bul jaı ǵana bı emes, kóshedegi bı stıliniń naǵyz shaıqasy. Jyl saıyn 2000-nan astam adam kóshe bılerin tamashalaý úshin jınalady. Bul merekeniń biregeıligi onyń tujyrymdamasynda jatyr: árbir shaqyrylǵan sarapshy  HIP-HOP, POPPING, BREAKING nemese KRUMP bolsyn, óz nomınaııasyn baǵalaıdy. Sodan keıin batl fınalısteri bir-birine qarsy kúresetin komandalardy qura otyryp, tóreshilermen birigedi. Nátıjesinde bir ǵana stıl jeńiske jetedi, bul Gorilla Style Wars-ty shynymen biregeı jáne qyzyqty is-shara etedi.

Bıyl irikteý kezeńderi О́zbekstan, Qyrǵyzstan, Tájikstan jáne Ázirbaıjanda ótti, bul merekeniń halyqaralyq aýqymdy ekenin  kórsetedi. Kóshe bıleri álemdik bı sahnasynyń mańyzdy bóligine aınaldy. Kóptegen bıshiler túrli alańdarda óner kórsetip, beıneklıpter men jarnamalarǵa túsý, sondaı-aq bı stýdııalarynda oqytý arqyly mansap jasaıdy. Gorilla Style Wars uıymdastyrǵan chempıonattar qatysýshylarǵa kásibılik pen jańa múmkindikterge jol ashady.

Gorilla Style Wars — bul Almatynyń jertólelerinen bastalyp, ýaqyt óte kele álemniń túkpir-túkpirinen kelgen bıshiler men shyǵarmashyl adamdardy biriktiretin halyqaralyq merekega aınalǵan qazaqstandyq joba. Búginde GSW — bul jaı ǵana bı bataly emes, naǵyz mádenı platforma, ol jańa urpaqty ózin-ózi tanýǵa jáne bı arqyly damytýǵa shabyttandyrady. Jyl saıyn joba aýqymy artyp, irikteý týrlarynyń geografııasyn keńeıte túsýde. Bul kóptegen qatysýshylarǵa ózderin kórsetýge jáne óz isinde kásipqoı bolýǵa múmkindik beredi. GSW bıshilerge óz daǵdylaryn kórsetip qana qoımaı, pikirles adamdardy taýyp, tájirıbe almasyp, jańa ıdeıalarǵa shabyt berýge kómektesedi,  — dedi Gorilla Style Wars kompanııasynyń uıymdastyrýshysy Marat Iagfarov.

Nurlan QUMAR,

ALMATY