بيللي دجين كينگ كۋبوگى: قازاقستان ايەلدەر قۇراماسى انىقتالدى

تەننيستەن ايەلدەر اراسىنداعى قازاقستان  كومانداسىنىڭ كاپيتانى يۋري ششۋكين بيللي دجين كينگ كۋبوگىنىڭ وڭتۇستىك كورەياعا قارسى ءبىرىنشى ماتچىنا قاتىساتىن كوماندا قۇرامىن جاريا ەتتى. 

ويىن استاناداعى Beeline Arena تەننيس ورتالىعىندا 16-17 قاراشا كۇندەرى بولادى.

قازىرگى تاڭدا ءبىزدىڭ سپورتشىلار كورەياعا قارسى ويناۋعا دايىندالىپ جاتىر. ۇلتتىق قۇراماداعى سپورتشىلار قاتارىندا ەلەنا رىباكينا، زارينا دياس، يۋليا پۋتينتسەۆا، اننا دانيلينا، جىبەك قۇلامباەۆا بار.

ءبىزدىڭ قۇرامانىڭ كوشباسشىسى وسى ويىن ماۋسىمىنىڭ سوڭىنا دەيىن WTA قورىتىندى تۋرنيرىندە ويناۋدى جوسپارلاپ وتىر. وعان ول جىل باسىندا كورسەتكەن ۇزدىك ناتيجەلەرى ەسەبىنەن شاقىرىلىپ وتىر. قازىرگى تاڭدا ەلەنا ءوزىن جاقسى سەزىنەدى جانە ەگەر ەر-ريادتا جاقسى ناتيجە كورسەتە السا، كورەيا كومانداسىنا قارسى ويىندا باق سىناۋعا تولىقتاي دايىن، — دەدى ششۋكين.

ونىڭ ايتۋىنشا، زارينا دياستىڭ دايىندىعى جاقسى جانە ول وتكەن اپتادا تۇركياداعى تۋرنيردە جەڭىمپاز اتاندى. بۇل وعان يۋليا پۋتينتسەۆامەن قاتار ءۇمىت ارتۋعا بولاتىنىن كورسەتەدى جانە ونىڭ قايتا ورالعانىنا قۋانىشتىمىز.

جۇپتىق سىندا اننا دانيلينا قىتايداعى ءتۋرنيردى جەڭىپ، قازىر استانادا جۇپتىق كومبيناتسيادا ونەر كورسەتۋگە ساقاداي ساي. جىبەك قۇلامباەۆا وسى ايدا ءوزى ءۇشىن جۇپتىق رەيتينگتە ەڭ جوعارى ورىننان كورىندى جانە قۇراما اتىنان سايىسقا تۇسۋدە تاجىريبەسى بار.