Bıllı Djın Kıng kýbogy: Qazaqstan áıelder quramasy anyqtaldy

Tennısten áıelder arasyndaǵy Qazaqstan  komandasynyń kapıtany Iýrıı Щýkın Bıllı Djın Kıng kýbogynyń Ońtústik Koreıaǵa qarsy birinshi matchyna qatysatyn komanda quramyn jarııa etti. 

Oıyn Astanadaǵy Beeline Arena tennıs ortalyǵynda 16-17 qarasha kúnderi bolady.

Qazirgi tańda bizdiń sportshylar Koreıaǵa qarsy oınaýǵa daıyndalyp jatyr. Ulttyq quramadaǵy sportshylar qatarynda Elena Rybakına, Zarına Dııas, Iýlııa Pýtıneva, Anna Danılına, Jibek Qulambaeva bar.

Bizdiń quramanyń kóshbasshysy osy oıyn maýsymynyń sońyna deıin WTA qorytyndy týrnırinde oınaýdy josparlap otyr. Oǵan ol jyl basynda kórsetken úzdik nátıjeleri esebinen shaqyrylyp otyr. Qazirgi tańda Elena ózin jaqsy sezinedi jáne eger Er-Rııadta jaqsy nátıje kórsete alsa, Koreıa komandasyna qarsy oıynda baq synaýǵa tolyqtaı daıyn, — dedi Щýkın.

Onyń aıtýynsha, Zarına Dııastyń daıyndyǵy jaqsy jáne ol ótken aptada Túrkııadaǵy týrnırde jeńimpaz atandy. Bul oǵan Iýlııa Pýtınevamen qatar úmit artýǵa bolatynyn kórsetedi jáne onyń qaıta oralǵanyna qýanyshtymyz.

Juptyq synda Anna Danılına Qytaıdaǵy týrnırdi jeńip, qazir Astanada juptyq kombınaııada óner kórsetýge saqadaı saı. Jibek Qulambaeva osy aıda ózi úshin juptyq reıtıngte eń joǵary orynnan kórindi jáne qurama atynan saıysqa túsýde tájirıbesi bar.