«Almaty Resort» شيپاجايى «تازا قازاقستان» ەكولوگيالىق اكتسياسىنا قوسىلدى

قر ءپىب مو «Almaty Resort» شيپاجايى «تازا قازاقستان» رەسپۋبليكالىق ەكولوگيالىق اكتسياسىن قولداپ، قىزمەتكەرلەر ءۇشىن سەنبىلىك ۇيىمداستىردى.

ينجەنەرلىك-شارۋاشىلىق قىزمەتىنىڭ باسشىسى ەۆگەني چۋدين اكتسياعا قاتىسۋ ەكولوگيالىق مادەنيەتتىڭ قالىپتاسۋىنا ىقپال ەتىپ قانا قويماي، قورشاعان ورتاعا قامقورلىق جاساۋدىڭ ماڭىزدىلىعىن ايتىپ، سونىمەن قاتار، ۇلكەن جانە تاتۋ ۇجىمنىڭ كورپوراتيۆتىك رۋحىن نىعايتاتىنىن اتاپ ءوتتى.

كوتەرىڭكى كوڭىل-كۇيمەن ەمدەۋ-ساۋىقتىرۋ كەشەنىنىڭ باسشىلىعىنان باستاپ، مەيىربيكە قىزمەتكەرلەرى، تاماقتانۋ ءبولىمى جانە شارۋاشىلىق ءبولىمى قىزمەتكەرلەرىنە دەيىن بارلىعى سەنبىلىككە بەلسەنە قاتىسىپ،  اۋماقتى قۇلاعان جاپىراقتاردان، قوقىستاردان جانە قۇرعاق بۇتاقتاردان تازارتتى.

مەملەكەت باسشىسىنىڭ باستاماسىمەن «تازا قازاقستان» ەكولوگيالىق اكتسياسى جالپىعا ورتاق ەڭبەك تۇجىرىمداماسىن قولدايدى. «Almaty Resort» جىل سايىن ءوز قىزمەتكەرلەرىن تارتا وتىرىپ، تابيعاتتى قورعاۋ باستامالارىنا ءداستۇرلى تۇردە قاتىسادى.

ەكولوگيالىق اكتسيانىڭ قورىتىندىسى بويىنشا شيپاجاي ۇجىمى شامامەن 15000 م2 ىرگەلەس اۋماقتى رەتكە كەلتىردى. قۇرعاق جاپىراقتاردىڭ، بۇتاقتاردىڭ جانە قوقىستاردان 2 كولىك جينالدى.

نۇرلان قۇمار،

الماتى