«Almaty Resort» shıpajaıy «Taza Qazaqstan» ekologııalyq akııasyna qosyldy

QR PIB MO «Almaty Resort» shıpajaıy «Taza Qazaqstan» respýblıkalyq ekologııalyq akııasyn qoldap, qyzmetkerler úshin senbilik uıymdastyrdy.

Injenerlik-sharýashylyq qyzmetiniń basshysy Evgenıı Chýdın akııaǵa qatysý ekologııalyq mádenıettiń qalyptasýyna yqpal etip qana qoımaı, qorshaǵan ortaǵa qamqorlyq jasaýdyń mańyzdylyǵyn aıtyp, sonymen qatar, úlken jáne tatý ujymnyń korporatıvtik rýhyn nyǵaıtatynyn atap ótti.

Kóterińki kóńil-kúımen emdeý-saýyqtyrý kesheniniń basshylyǵynan bastap, meıirbıke qyzmetkerleri, tamaqtaný bólimi jáne sharýashylyq bólimi qyzmetkerlerine deıin barlyǵy senbilikke belsene qatysyp,  aýmaqty qulaǵan japyraqtardan, qoqystardan jáne qurǵaq butaqtardan tazartty.

Memleket basshysynyń bastamasymen «Taza Qazaqstan» ekologııalyq akııasy jalpyǵa ortaq eńbek tujyrymdamasyn qoldaıdy. «Almaty Resort» jyl saıyn óz qyzmetkerlerin tarta otyryp, tabıǵatty qorǵaý bastamalaryna dástúrli túrde qatysady.

Ekologııalyq akııanyń qorytyndysy boıynsha shıpajaı ujymy shamamen 15000 m2 irgeles aýmaqty retke keltirdi. Qurǵaq japyraqtardyń, butaqtardyń jáne qoqystardan 2 kólik jınaldy.

Nurlan QUMAR,

ALMATY