Salaýatty ómir saltyn ustanǵan ımamdar

Negizi salaýatty ómir saltyn ustaýdy sonaý Muhammed paıǵambardyń dáýirinen bastaý alǵan desek oryndy bolar. Muhammed paıǵamdar hadıste salaýattylyq jaıly «naıza laqtyryp, atqa shap, sýǵa júzip, sadaq atýdy úırenińder», degen eken. Sol búgingi zamanymyzdy da mańyzdylǵyn joǵaltqan joq. Aıtylǵan dýaly sóz búgingi tilmen aıtqanda sportpen aınalysýǵa ákelip tireıdi. Sport ol densaýlyq kepili.

Endeshe, búgingi Almaty oblysy ımamdarynyń bas qosyp voleıboldan ótkizgen dúbirli jarysy sol aıtylǵan sózimizge naqty dálel shyǵar. Bul jarys Ile aýdany О́tegen kentindegi Balalar men jasópirimder sport mektebiniń shańyraǵynda jalaýyn kóterdi.

Jarystyń saltanatty ashylýyna aýyr atletıkadan álem chempıony Jasulan Qydyrbaev, Almaty oblysynyń bas ımamy Madııar Pirimqulov pen Balalar men jasóspirimder sport mektebiniń dırektory Qapar Raýanov qatysyp, qatysýshylarǵa jaraqatsyz jeńis tiledi.

Bul jarysty QMDB Almaty oblysy ókildiginiń uıymdastyrǵandaǵy negizgi maqsaty, ımamdardyń salaýatty ómir saltyn berik ustap, halyqqa úlgi kórsetý. Meshitterde jamaǵatqa izgilik, meırimdilik, qaıyrymdylyq sekildi adam boıyndaǵy jaqsy qasıetter týraly ýaǵyz aıtyp júretin ımamdarymyz sportta da qur jaıaý emes ekendikter oıyn alańynda barynsha kórsetti. Tańazannan bastalǵan jarys kún uıasyna batqanda baryp bir aıaqtalyp, júldegerler men jeńimpazdar uıymdastyrýshylardyń daıyndaǵan marapattaryna ıe boldy. Bul týrnır osymen eki jyl qatarynan ótip otyr eken. Sondyqtanda ımamdardyń sheberlikteri tolysa túsip, beınebir kásibı oıynshylar sekildi jankeshtilikpen kórsetken oıyn órnekterine jankúıreler erekshe qoldaý kórsetip otyrdy.

Negizi, Almaty oblysy ımamdar muhtııaty jaz aıynda shaǵyn fýtboldan  úlken jarys  uıymdastyrsa, endi mine, voleıboldan dúbirli týrnırdiń tomaǵasyn túrip otyrsa kerek.

Jarysqa Almaty oblysynyń Qarasaıdan ózge barlyq aýdandarynan komandalar kelip qatysty. Árıne qazirge kezde jarys ótkizetin sport zaldardy tabýdyń ózi bir másele. Qaı jerge barsa da aldymen jalǵa beretin zaldyń aqshasyn suraıdy. Ony keıbir jarys uıymdastyrýshylarynyń qaltalary kótermeıtini  anyq. О́ıtkeni, jalǵa beretin baǵany aspandatyp qoıǵan.  Kezinde «Halyq arena», «Almaty arena» sekildi záýlim sport saraılaryn salǵan kezde, «Qarapaıym halyq úshin bári tegin bolady», dep jar salyp jarııa etip bir qýantyp qoıǵan esimizde. Keıinirek belgili bolǵandaı aıtylǵan sóz jáı sóz bolyp qala berdi.  Qaladaǵy sport qumar balalar keń saraılardyń esigine baryp tosylyp, aspandaǵan aqshadan keıin qaıtyp jatty. Durys, ıá sý men jaryǵy bar degendeı kommýnaldyq qyzmetine qarjy tóleýde qajet etedi. Dese de qarapaıym qala turǵyndaryna qoljetimdi qylsa da daý týmas edi ǵoı. Biraq ázirge olaı bolmaı turǵanyn bilemiz. Sondyqtan jarys uıymdastyrýshylardyń jaǵdaıyna baılanysty qaraılap qaıyrymyn kórsetenin jandar ilýde bir dese bolady. Solardyń biri de biregeıi, júreginde ımany bar, kóptiń tek alǵysyn ǵana alyp, sportqa zor qamqorlyq jasap júrgen Qazaqstan Respýblıkasyna eńbegi sińgen jattyqtyrýshy, Balalar men jasóspirimder sport mektebiniń dırektory Qapar Raýanov ty aıtsa bolar sirá.

Sport mektebiniń basshysy ımamdarǵa sport zaldy tegin berip qana qoımaı, kún uzaq jarystyń basynda júgirip júrip qolynan kelgen qyzmet kórsetip qatysýshylardyń  zor alǵystaryn aldy. Sondyqtanda yntymaǵy uıyǵan sport mektebiniń ujymy men basshylyǵynyń bul qaıyrly isterine bereke tiledik.

Sonymen týrnırdiń aýyspaly bas kýbogy Talǵar aýdanynyń komandasyna tabys etildi. Ekinshi kúmis júlde Ile aýdanynyń komandasy jeńip alsa, qola medal Kegen aýdanynan kelgen komandaǵa buıyrdy. Osylaısha salaýatty ómir saltyn sport alańdarynda tartysty oıyndarymen kórsetken ımamdardyń bul qadamdary jas urpaqqa úlken úlgi-ónege dep bilemiz.  Hosh, sonymen kúni boıy syn alańynda jeńis úshin, bir jaǵynan densaýlyqtaryn shyńdaǵan ımamdar aınalaǵa jaqsy lebiz qaldyryp, jankúıerlererimen jyly qoshtasyp joǵary kóńil kúımen tarqasty.

Týrnır sońynda jeńimpazdar men júldegerler estelikke sýretke túsip jatty. Almaty oblysy boıynsha ımamdar arasynda ótetin bedeldi týrnırdiń qataryna kóterilgen bul báseke aldaǵy jyly geografııalyq kóleminde ulǵaıtpaq oıda bar eken. Salaýatty ómir saltyn nasıhattap júrgen ımamdarǵa Alla razy bolsyn deımiz.

 

Aqyn ORDABAIULY,

ALMATY

Torǵyn NURǴABYLQYZY