SportPress.kz Қазақстан спорт жаңалықтары
Эстонияның астанасы — Таллин қаласында мәнерлеп сырғанаудан Challenger Series санатына кіретін Tallinn Trophy 2024 халықаралық турнирі болып жатыр, деп хабарлады Туризм және спорт министрлігі Спортты дамыту дирекциясының баспасөз қызметі.
Ұлттық құрама спортшысы Софья Самоделкина қос бағдарлама қорытындысы бойынша 173.25 ұпай жинап, күміс жүлдегер атанды. Бельгия өкілі Нина Пинзаррон (192.48 ұпай) турнирдің жеңімпазы атанса, үшінші орын канадалық Сара-Мод Дюпуа (163.58) бұйырды.
Турнирге 25 елден 193 спортшы бақ сынап жатыр.
