Harbın-2025: Qysqy Azıada Qytaıda jalaý kóteredi

IH qysqy Azııa oıyndary 2025 jylǵy 7-14 aqpan aralyǵynda Qytaı Halyq Respýblıkasynyń Harbın qalasynda ótedi, dep habarlady Týrızm jáne sport mınıstrligi Sportty damytý dırekııasynyń baspasóz qyzmeti.

Osy joly jarystardy Harbın jáne onyń shyǵysynda 200 shaqyrymda ornalasqan Iabýlı qalasy da qabyldamaq. Atap aıtqanda, Harbınde konkı sporty túrleri, shaıbaly hokkeı men kıorlıng jarystary, al Iabýlıde shańǵy sporty, bıatlon, shańǵy alpınızmi josparlanǵan. Ashylý saltanaty 7 aqpanda, jabylý saltanaty 14 aqpanda Harbın qalasyndaǵy Harbin International Convention and Exhibition Center Stadium sport kesheninde bolady.

Keshendi jarysqa qurlyqtaǵy 32 elden 1147 sportshy qatysady. Olar sporttyń 6 túrinen (11 dısıplına – bıatlon, taý shańǵysy, kıorlıng, konkımen júgirý, short-trek, mánerlep syrǵanaý, shańǵy jarysy, snoýbord, frıstaıl-akrobatıka, shaıbaly hokkeı, skı-alpınızm) 196 medal jıyntyǵynyń ıesin anyqtaıdy.

«Qurmetti BAQ ókilderi, kórermender. Qytaıdyń Harbın qalasynda ótetin qysqy Azııa oıyndaryna 3 aıdan az ýaqyt qaldy. Bulbiz úshin 2025 jyldaǵy mańyzdy keshendi jarystyń biri bolmaq. 1996 jyly úshinshi aq Azıada osy Harbın qalasynda ótip, onda Qazaqstan 14 altyn, 9 kúmis, 8 qola júlde jeńip alǵan. Bul jalpy eseptegi 2-oryn.

Jalpy Qazaqstan qysqy Azıadaǵa sol 1996 jylǵy oıynyndardan beri qatysyp kele jatyr. Osy aralyqta 78 altyn, 62 kúmis jáne 56 qola medal (barlyǵy 196) jeńip alǵan», — dep aıtty QR TSM Sport jáne dene shynyqtyrý isteri komıteti tóraǵasynyń orynbasary Azamat Imashev.

Elimizdiń Ulttyq quramasy sporttyń 6 túrinen 139 sportshy (71 er, 68 áıel) alyp barady. Olar 50 medal jıyntyǵyna talasady.

1. Bıatlon – 10 sportshy;
2. Kıorlıng – 12 sportshy;
3. Konkımen júgirý sporty – 20 sportshy;
4. Mánerlep syrǵanaý – 4 sportshy;
5. Short-trek – 12 sportshy;
6. Shańǵy jarysy – 12 sportshy;
7. Shaıbaly hokkeı (erler) – 23 sportshy;
8. Shaıbaly hokkeı (áıelder) – 23 sportshy;
9. Taý shańǵy sporty – 8 sportshy;10.
10. Frıstaıl-akrobatıka – 7 sportshy;
11. Shańǵy jarysy – 8 sportshy.

Bul qatarda joǵary nátıjege qol jetkizetin áleýetke ıe myna sportshylarymyzdy atap ótýge bolady:

Bıatlon: Áset Dúısenov, Aleksandr Mýhın, Vladıslav Kıreev, Galına Vıshnevskaıa-Sheporenko, Arına Krıýkova, Vadım Kýrales.

Shańǵy jarysy: Oljas Klımın, Konstantın Borov, Nıkıta Grıdın, Svıatoslav Matasov, Nadejda Stepashkına, Ksenııa Shalygına.

Konkımen júgirý sporty: Nuraly Aqjol, Nadejda Morozova, Artýr Galıev, Altaı Járdembekuly, Evgenıı Koshkın.

Short-trek: Abzal Ajǵalıev, Denıs Nıkısha, Mersaıd Jaqsybaev, Ádil Ǵalıahmetov, Erkebulan Shamýhanov, Janbýsınova Madına, Ermek Malıka, Ajgalıeva Alına, Olga Tıhonova, Iana Han.

Frıstaıl-akrobatıka: Ardana Mahanova, Aıana Joldas, Roman Ivanov Roman, Sherzod Hashırbaev.

Aıta keteıik, jyl basynda oıyndardyń emblemasy men talısmany tanystyryldy. Básekeniń boıtumary — Sibir jolbarystary Bınbın men Nını. Bınbın muz jarystaryn, al Nını qar jarystaryn beıneleıdi.

Emblema qysqy sporttyń biregeıligi men rýhyn kórsetse, al boıtumar mádenı uqsastyq pen jergilikti mádenıetten habar beredi.

Eske sala keteıik, Qazaqstan qysqy Azııa oıyndaryn bir ret qybyldaǵan. 2011 jyly Astana men Almaty qalasynda ótken keshendi jarysta Ulttyq qurama 32 altyn, 21 kúmis jáne 17 qola júldege ıe bolyp, jalpy esepte alǵash ret 1-oryn alǵan. Osyǵan deıingi VI oıyndar 2017 jyly Japonııanyń Sapporo qalasynda ótken. Qazaqstan komandasy 32 medalmen (9 altyn, 11 kúmis, 12 qola) 4-satyǵa turaqtaǵan.