SportPress.kz قازاقستان سپورت جاڭالىقتارى
تاۋەلسىزدىك كۇنى قارساڭىندا «Almaty Resort» باسشىلىعى مەن قىزمەتكەرلەرى سوعىس ارداگەرلەرىنە باردى.
بالىقباي ىسقاق جاقىندا 100 جىلدىق مەرەيتويىن اتاپ ءوتتى. اۋىر جىلداردىڭ سالدارى بولار، قاريانىڭ بۇگىندە جانارى سولىپ، قۇلاعى ەستۋدەن قالعان. ەسەسىنە ۇرپاعى — بالالارى مەن نەمەرەلەرى ونىڭ جاۋىنگەرلىك جولى تۋرالى ماقتانىشپەن اڭگىمەلەدى. كەگەن اۋدانىنىڭ تۋماسى بالىقباي ىسقاق 115-اتقىشتار ديۆيزياسىنىڭ قۇرامىندا سوعىسىپ، ەۋروپانى ازات ەتۋگە اتسالىسقان. جەڭىس كۇنىن اۆستريادا قارسى الادى. سوعىستان كەيىن ول قيىر شىعىستا قىزمەت ەتىپ، ءومىرىن قۇقىق قورعاۋ سالاسىنا ارنايدى. ەرلىگى ءۇشىن III دارەجەلى داڭق وردەنىمەن جانە باسقا دا جاۋىنگەرلىك ناگرادالارمەن ماراپاتتالدى. باتىردىڭ ۇرپاقتارى بۇگىندە ونىڭ وتان ءۇشىن جاساعان ەرلىگىن ماقتان ەتىپ، ونى كەيىنگى جاستارعا ۇلگى ەتۋدە.
ليۋبوۆ نيكولاەۆنا گوركوۆسكايا 1925 جىلى لۋگانسك وبلىسىندا تۋعان. قازىر قارت انا وكىنىشكە قپراي، توسەككە تاڭىلعان. بىراق ونىڭ كوزدەرىنەن ءالى دە دانالىق پەن كۇش-جىگەردى اڭعارۋعا بولادى. سوعىس جىلدارىندا ول ءبىرىنشى ۋكراينا مايدانىندا بايلانىسشى بولىپ قىزمەت ەتتى. سەۆاستوپول، بەلارۋسسيا مەن بالتىق جاعالاۋىن ازات ەتۋگە قاتىستى. سوعىستان كەيىن «قازاقفيلم» كينوستۋدياسىندا ەڭبەك ەتىپ، ەكى بالا تاربيەلەدى.
ليۋبوۆ نيكولاەۆنانىڭ سوعىس جىلدارىنداعى ەرلىگى ءۇشىن ماراپاتى دا از ەمەس. الايدا، سول ماقتان ەتەتىن ماراپاتتار اۋىر جىلداردى ەسكە تۇسىرەتىنى وكىنىشتى.
قاسكەلەڭنىڭ 98 جاستاعى تۋماسى اناتولي نازار ۇلى پوپوۆ ءوزىنىڭ جاستىعىن ەسكە الىپ، كوزىنە جاس الدى. ول 2-بالتىق مايدانىندا بايلانىسشى بولىپ قىزمەت ەتە ءجۇرىپ، وتاندى قورعايدى. سوعىستان كەيىن مەديتسينالىق ۋچيليششەنى ءبىتىرىپ، 30 جىلدان استام ۋاقىتىن قازاقستاننىڭ دەنساۋلىق ساقتاۋ سالاسىنا ارنايدى. بۇگىندە ول وتان ءۇشىن جاساعان ەرلىگىن ماقتان تۇتاتىن بالالارى مەن نەمەرەلەرىنىڭ ورتاسىندا، اينالاسىندا جاناشىر، قامقور جاندار جەتەرلىك. ارداگەرلەردى ۇمىتپاي، ەسكە الىپ، ەسكەرىپ جاتقاندارىڭىز ءۇشىن راقمەت! بۇل مەن ءۇشىن ۇلكەن قۇرمەت!، — دەدى اعىنان جارىلعان قاريا.
99 جاستاعى يۆان ماتۆەەۆيچ بەگۋنوۆ «Almaty Resort» ۇجىمىن ك ۇلىمسىرەپ قارسى الدى.
تۋىستارىم مەن تۋرالى ءبارىن بىلەدى، سولار ايتىپ بەرسىن. مەن ماقتانعاندى ۇناتپايمىن، — دەدى قاراپايىم ارداگەر.
ول جيتوميردە دۇنيەگە كەلگەن. 228-گۆارديالىق اتقىشتار پولكىندە پۋلەمەتشى بولىپ سوعىسقان. جاياۋ اسكەردىڭ العا جىلجۋىن قامتاماسىز ەتىپ، ەۋروپانى ازات ەتكەن. ەرلىگى مەن باتىلدىعى ءۇشىن ول قىزىل تۋ وردەنىمەن جانە «ەرلىگى ءۇشىن» مەدالىمەن ماراپاتتالعان. بۇگىندە يۆان ماتۆەەۆيچ اۋلەتىنىڭ ورتاسىندا سىي-قۇرمەتكە بولەنىپ وتىر.
«Almaty Resort» ۇجىمى ارداگەرلەرگە قۇرمەت رەتىندە سىي-سياپات تارتۋ ەتىپ، زور دەنساۋلىق، ۇزاق عۇمىر تىلەدى.
جارقىن بولاشاق قۇرۋ ءۇشىن وتكەندى ەستە ساقتاۋ كەرەك! بەيبىت ءومىر ءۇشىن كۇرەسكەن باتىرلارعا باس يەمىز، — دەدى شيپاجاي ديرەكتورىنىڭ ەمدەۋ-ساۋىقتىرۋ جۇمىستارى جونىندەگى ورىنباسارى سالتانات بەيسەمباەۆا.
ول، ارداگەرلەردىڭ ءبىزدىڭ قامقورلىعىمىز بەن ريزاشىلىعىمىزدى سەزىنۋى ءۇشىن مۇنداي كەزدەسۋلەر ءجيى وتكىزىلىپ تۇراتىنىن اتاپ ءوتتى.
نۇرلان قۇمار،
الماتى
