«استانا» مەن «چەلسي» ويىنىنان كەيىن جانجال شىقتى

الماتى ورتالىق ستاديونىنىڭ باسقارۋشىسى باۋىرجان جۇماجانوۆ كونفەرەنتسيا ليگاسى اياسىندا «استانا» مەن «چەلسي» كوماندالارىنىڭ اراسىندا وتكەن ويىننان كەيىن قىزمەتىنەن شەتتەتىلدى.

الماتىنىڭ سپورتتىق نىساندارى ديرەكتسياسى جانكۇيەرلەردەن كەلتىرىلگەن قولايسىزدىقتار ءۇشىن كەشىرىم سۇرادى.

الماتى ورتالىق ستاديونىنىڭ باتىس سەكتورىنداعى التى قاتاردىڭ (ورتالىق ستاديونداعى جالپى ورىن سانىنىڭ 2،7%-ى) اراسىنداعى قاردىڭ ۋاقىتىلى تازالانباۋىنان تۋىنداعان قولايسىزدىقتار ءۇشىن جانكۇيەرلەردەن كەشىرىم سۇرايمىز. بولاشاقتا وسىنداي وقيعالاردىڭ الدىن الۋ ماقساتىندا تەكسەرىس جۇرگىزىلەدى، — دەلىنگەن حابارلامادا.

«استانا» مەن لوندوننىڭ «چەلسي» كلۋبتارىنىڭ ويىنى 1:3 ەسەبىمەن اياقتالدى.

ماچتى ستاديوندا 20 982 جانكۇيەر تاماشالادى.

داستان كەنجالين