قازاق كۇرەسىنەن ءداستۇرلى دودانىڭ كورسەتىلىمى بولادى

بۇگىن ساعات 22-دەن 20 مينۋت وتكەندە Qazsport تەلەارناسىندا شىعىس قازاقستان وبلىسى تارباعاتاي اۋدانىنىڭ اقسۋات اۋىلىندا 16 ماۋسىمدا وتكەن ىرعىزباي دوسقانا ۇلى اتىنداعى قازاق كۇرەسىنەن ءداستۇرلى التىنشى الەمدىك گران-ءپريدىڭ كورسەتىلىمى بولادى.

بۇل تۋرنيرگە الەمنىڭ 25 مەملەكەتىنىڭ بالۋاندارى قاتىسىپ، كۇش سىناستى. بەس الەمدىك بەلبەۋلى كۇرەس باقىلاۋشىلارى ادىلقازىلىق جاسادى. ولار — گەرمانيا، شۆەيتساريا حورۆاتييا، ەستونيا، يزرايل.

اتالعان تۋرنير قازاقستان بويىنشا الەمدىك دەڭگەيدە سايىس وتكىزۋگە ليتسەنزياسى بار، قازاق مادەنيەتىنىڭ ماتەريالدى ەمەس قۇندىلىقتارىن الەمگە ناسيحاتتاپ جۇرگەن سپورتتىق سايىس.

اقىن ورداباي ۇلى،

الماتى