Қазақстан чемпионатына кәсіпқой боксшы да қатысып жатыр

Кәсіпқой бокста шаршы алаңға шығып жүрген Талғат Шайкен Қарағандыдағы Қазақстан чемпионатына қатысып жатыр. Ол 71 келі салмақта рингке шығып, алғашқы жекпе-жегінде Алинұр Өмірбекпен қолғап түйістірді.

Бұл жекпе-жекте үш раунд қорытындысы бойынша Талғат Шайкен төрешілер шешімімен жеңді. Енді ол 20 желтоқсанда Мадияр Тәжібаевпен жұдырықтасады.

Талғат Шайкен кәсіпқой бокста өткізген тоғыз жекпе-жектің бәрінде жеңіп, оның бесеуін нокаутпен аяқтаған.

Дастан КЕНЖАЛИН,

АСТАНА