اۋىر اتلەتيكادان قازاقستان قۇراماسىنىڭ سپورتشىسى اقجول قۇرمانبەك قاتاردىڭ دوحا قالاسىندا ءوتىپ جاتقان جاسوسپىرىمدەر اراسىنداعى ازيا چەمپيوناتىندا التىن مەدال جەڭىپ الدى، دەپ حابارلادى Olympic.kz.
وعان 73 كەلىگە دەيىنگى سالماق دارەجەسىندە تەڭ كەلەر قارسىلاس بولمادى. ەكى سايىستىڭ جالپى قورىتىندىسى بويىنشا اقجول 316 (141+175) كەلى سالماقتى كوتەردى. ايتا كەتۋ كەرەك، ول سەرپە كوتەرۋدە جانە جالپى ناتيجە بويىنشا الەم رەكوردىن جاڭارتتى، — دەلىنگەن حابارلامادا.
ەكىنشى ورىندى وزبەكستاندىق بوبۋرميرزو يوكۋبوۆ يەلەندى. ول 300 (136+164) كەلىنى باسىنان اسىردى. ال ءۇشىنشى ورىن تۇرىكمەنستاننىڭ سپورتشىسى ديداربەك جۇماباەۆقا بۇيىردى. سپورتشى 298 (127+171) كەلىنى كوتەردى.