SportPress.kz Қазақстан спорт жаңалықтары
Ауыр атлетикадан Қазақстан құрамасының спортшысы Ақжол Құрманбек Қатардың Доха қаласында өтіп жатқан жасөспірімдер арасындағы Азия чемпионатында алтын медаль жеңіп алды, деп хабарлады Olympic.kz.
Оған 73 келіге дейінгі салмақ дәрежесінде тең келер қарсылас болмады. Екі сайыстың жалпы қорытындысы бойынша Ақжол 316 (141+175) келі салмақты көтерді. Айта кету керек, ол серпе көтеруде және жалпы нәтиже бойынша әлем рекордын жаңартты, — делінген хабарламада.
Екінші орынды өзбекстандық Бобурмирзо Ёкубов иеленді. Ол 300 (136+164) келіні басынан асырды. Ал үшінші орын Түрікменстанның спортшысы Дидарбек Жұмабаевқа бұйырды. Спортшы 298 (127+171) келіні көтерді.
