داۆيد لوريا قفف ۆيتسە-پرەزيدەنتى قىزمەتىنە تاعايىندالدى

قازاقستان ۇلتتىق قۇراماسىنىڭ بۇرىنعى فۋتبولشىسى داۆيد لوريا قازاقستان فۋتبول فەدەراتسياسىنىڭ ۆيتسە-پرەزيدەنتى قىزمەتىن اتقارادى، دەپ حابارلادى kff.kz.

داۆيد لوريا – قازاق فۋتبولىنداعى وزىندىك ورنى بار ازاماتتىڭ ءبىرى. ول «جەڭىس»، «ەسىل»، «شاحتەر»، «حالمستاد» (شۆەتسيا)، «سپارتاك-نالچيك» (رەسەي)، «استانا»، «ەرتىس»، «ريزەسپور» (تۇركيا)، «قايرات»، «كارشياكا» (تۇركيا)، «ورداباسى» كلۋبتارىندا وينادى. قازاقستان ۇلتتىق قۇراماسىندا 47 ويىن وتكىزىپ، قاقپاشىلار اراسىندا رەكورد جاسادى.

1999 جىلى قازاقستان جاستار قۇراماسى ساپىندا نيگەريادا وتكەن الەم چەمپيوناتىنا قاتىستى.

جاسىل الاڭمەن قوشتاسقاننان كەيىن «استانا» فۋتبول كلۋبىندا، استانا قالاسىنىڭ فۋتبول فەدەراتسياسىندا جانە «Super Bol» جوباسىندا باسشىلىق قىزمەتتەر اتقاردى.

2019-2022 جىلدارى ۋەفا UEFA MIP – UEFA Executive Master for International Players ماگيسترلىك باعدارلاماسى بويىنشا سپورت مەنەدجمەنتى سالاسىندا بىلىم الدى.