«چەلسي» قازاق فۋتبولشىسىن ساتىپ الدى

بەلگىلى سپورت ءجۋرناليسى فابريتسيو رومانو 16 جاستاعى فۋتبولشى داستان ساتباەۆتىڭ لوندوننىڭ «چەلسي» كلۋبىنا اۋىسقانىن حابارلادى.

يتاليان ءجۋرناليسىنىڭ ايتۋىنشا، «چەلسي» الماتى قالاسىنىڭ «قايرات» كلۋبىنا ساتپاەۆ ءۇشىن 4 ملن ەۆرو تولەيدى. بۇل وتاندىق ليگا ءۇشىن رەكوردتىق كەلىسىم بولىپ وتىر.

داستان ساتباەۆ 2026 جىلدىڭ تامىز ايىندا 18 جاسقا تولعان سوڭ، «چەلسيدىڭ» قاتارىنا قوسىلادى. ول اعىلشىن كلۋبىمەن 1 جىلعا ۇزارتۋعا مۇمكىندىگى بار 5 جىلدىق كەلىسىمشارتقا وتىرادى.

وسى رەتتە ايتا كەتەتىن ءبار نارسە، 2024 جىلدىڭ مامىر ايىندا ساتباەۆ «قايرات» كومانداسىندا دەبيۋت جاساعان ەڭ جاس ويىنشى بولدى. بىلتىرعى QJ ليگاسىندا جاس فۋتبولشى 12 ويىندا 19 گول سوعىپ، 7 ناتيجەلى پاس بەردى. سونداي-اق ساتباەۆ ماۋسىمنىڭ ۇزدىك ويىنشىسى اتاعىن الدى. ال ۋەفا جاسوسپىرىمدەر ليگاسىندا (U19) 16 جاستاعى فۋتبولشى ءتورت ماتچتا ءبىر گول سالىپ، ءبىر ناتيجەلى پاسپەن كوزگە ءتۇستى.

بۇعان دەيىن «مانچەستەر سيتي» كلۋبىنا وزبەكستاندىق قورعاۋشىسى ابدۋقودير حۋسانوۆ اۋىسقان بولاتىن.

داستان كەنجالين،

استانا

 

پوسموترەت ەتۋ پۋبليكاتسيۋ ۆ Instagram

 

پۋبليكاتسيا وت Fabrizio Romano (@fabriziorom)