فۋتزالدان ارداگەرلەر اراسىنداعى الامان

فۋتزالدان ارداگەرلەر اراسىندا الماتى وبلىسىنىڭ اشىق ءبىرىنشىلىگى بولىپ، جۇلدەلى كۇمىس جۇلدەگە اللا ءناسىپ ەتىپ جەڭىپ الدىق. جارىس الماتى ماڭىنداعى قىرعاۋىلدى ەلدى مەكەنىندە ورنالاسقان بالالار مەن جاسوسپىرىمدەر سپورت مەكتەبىنىڭ قابىرعاسىندا بولىپ ءوتتى.

بۇل ءتۋرنيردى ايتۋلى سپورت مەكتەبىنىڭ ديرەكتورى، الماتى وبلىسى ارداگەرلەر قوعامىنىڭ توراعاسى، اۋىل سپورتىنىڭ جاناشىرى قايرات ءشارىپ ۇلى ءبىرىمجانوۆ ۇيىمداستىرۋعا مۇرىندىق بولعان ەكەن. ءزاۋلىم سپورت سارايىنىڭ ءىشى كوز تارتادى. اسىرەسە، ويىن الاڭى حالىقارالىق ستاندارتقا ساي تۇگەلدەي جابدىقتالىنىپ جاسالعانىنا ءتانتى بولدىق. ءدال وسى فۋتزال الاڭىندا «پورتۋ» مەن «بارسەلونا» كلۋبتارىنىڭ اتى الەمگە ايگىلى جۇلدىزدى ويىنشىلارى كەلىپ، ۋەفا كۋبوگى ءۇشىن تۋرنيردە دوپ تەپكەنىن بىلەمىز. سوندىقتاندا ەسىمدەرى ايگىلى فۋتزال جۇلدىزدارى تەر توككەن جەرگە ءبىزدىڭ تابانىمىز جەرگە ءتيىپ تاڭازاننان باستاپ، جەڭىس ءۇشىن جان بەرىسىپ جان الىسقان كەزدەسۋلەر وتكىزدىك.

الامان جارىسقا الماتى وبلىسىنىڭ ءار ايماعىنان ءتىپتى، سوناۋ قاراكەستەك اۋىلىنان كوماندالار كەلىپ، باق سىنادى. قاتىسۋشى كوماندالاردىڭ ويىن دەڭگەيى وتە جوعارى بولعانىنا كۋا بولدىق. دەگەنمەن «ۇرىستا تۇرىس جوق» دەمەكشى، ءبىزدىڭ وسى جارىسقا سايلاپ اپارعان «وتەگەن باتىر» كومانداسى قاراپ، قالماي قايسارلىق تانىتىپ فينالعا دەيىن جەتتىك. الدىمەن وبلىستىق اشىق بىرىنشىلىكتىڭ سالتاناتتى اشىلۋى بولىپ ءوتتى.

ەلىمىزدىڭ ءانۇرانى وينالىپ بىتكەننەن كەيىن، تورەشىلەر القاسىنىڭ توراعاسى ابباس شاحيزادا الامان جارىستى باستاپ جىبەردى. سايدىڭ تاسىنداي ساقا ويىنشىلار باس قوسقان بۇل دودادا كىمنىڭ باعى جاناتىنى بەلگىسىز ەدى. ەكى توپقا بولىنگەن 10 كوماندانىڭ اراسىنان سۋىرلىپ توپ جارىپ شىعۋ ۇلكەن ماسەلە ەدى. دەگەنمەن اسقارالى ماقساتىمىز توپتان ءبىرىنشى بولىپ شىعۋ بولاتىن. سول ءۇشىن دە ءاربىر ويىن فينال سەكىلدى جان بەرىسىپ جان الىسقان كەزدەسۋلەر بولدى دەسەم قاتەسەلەسپەگەن بولار ەدىم. كەسكىلەسكەن سۇراپىل ويىندار كەزىندە شىن مىقتىلاردى شەتى كورىنە باستادى. ءبىزدىڭ «وتەگەن باتىر» كوماندامىز العاشقى ويىنىن «پاراسات» كومانداسىنا قارسى وتكىزىپ تارتىسقا تولا وتكەن كەزدەسۋدە 1:0 ەسەبىمەن جەڭىسكە جەتتىك. اللا ءناسىپ ەتىپ ءوز توبىمىزدا ءتورت كەزدەسۋ وتكىزىپ، تورتەۋىندە جەڭىسكە جەتتىك. ءسويتىپ، توپتان ءبىرىنشى ورىنمەن جارتىلاي فينالعا جولداما الدىق. جارتىلاي فينالدا ءوز توبىنان ەكىنشى ورىنمەن شىققان «سارىوزەك» كومانداسىمەن جولىعىپ، تارتىسقا تولى ماتچتا 2:1 ەسەبىمەن جەڭىسكە جەتىپ، فينالعا جولداما الدىق. ال، فينالدا العاشقى ويىنىمىزدا «پاراساتقا» قارسى جەڭىسپەن باستاپ ەدىك، ەندى سول كومانداعا قارسى جارىستىڭ باس كۋبوگىن ءۇشىن تالاسقا ءتۇسۋدىڭ جولى قايتا تۇيىسكەن ەدى. ءيا، كۇنى بويى الاڭدا جان اياماي بارىن سالعان ارداگەر ويىنشىلارىمىز راسىمەندە قاتتى شارشاعان ەدى. ونى ىشتەي بىلسەكتە سىر بىلدىرمەي سىنعا ءتۇسىپ بارىمىزدى سالۋعا تىرىستىق. دەگەنمەندە «پاراسات» كومانداسى بىزگە قاراعاندا تىڭ كورىنىپ جەڭىستى ج ۇلىپ اكەتتى. ءيا، سپورت دەگەن ءبىر جەڭىس ءبىر جەڭىلىستەن تۇراتىنى بەلگىلى. قالاي دەسەك تە ءبىزدىڭ «وتەگەن باتىر» كومانداسىنىڭ ءاربىر وتكىزگەن ويىندارىنا قالىڭ كوپشىلىك كورەرمەن جوعارى باعاسىن بەرىپ، ناعىز چەمپيون دەپ ايدار تاعىپ ايتىپ جاتقاندارى كەۋدەمىزدى قۋانىشقى بولەپ، جانىمىزعا جىلۋ سىيلادى. سونىمەن ويىن سوڭىندا ۇزدىك ويىنشىلار مەن ۇزدىك شىققان كوماندالاردى جارىس ۇيىمداستىرۋشى بجسم ديرەكتورى، سپورت جاناشىرى قايرات ءشارىپ ۇلى ءبىرىمجانوۆ ريزاشىشلىقپەن قۇتتىقتاپ، ماراپاتتادى.

ۇزدىك شابۋىلشى اتاعى ءبىزدىڭ «وتەگەن باتىر» كومانداسىنىڭ ساڭعىلا، ساڭىلاق ويىنشىسى ءانۋار ابىشەۆ ماراپاتتالدى. سونىمەن ءبىرىنشى ورىندى «پاراسات»، ەكىنشى ورىندى «وتەگەن باتىر»، ۇگشىنشى ورىندى «قوناەۆ» كومانداسى جەڭىپ الدى. باۋىرجان مومىش ۇلى اتامىز: «مەنىڭ بويىمدا كۇش-قۋاتىم، قايراتىم بار كەزدە مەن كارىلەردىڭ تىزىمىنە قوسپاڭدار»، — دەگەن ەكەن. سپورت ول- دەنساۋلىق كەپىلى. ەندەشە، سپورتتى ومىرلەرىنىڭ شامشىراعى ەتىپ العان ارداگەرلەردىڭ جۇگىرىپ سالاۋاتتى ءومىر سالتىمەن اينالىسىپ جۇرگەندەرى جاستارعا ۇلكەن ۇلگى-ونەگە دەپ بىلەمىز. وسىنداي تارتىمدى، تارتىستى سپورتتىق شارانى ۇيىمداستىرۋعا 2 مبجسممەن بىرگە الماتى وبلىسى دەنەشىنىقتىرۋ جانە سپورت باسقارماسى دا ءوز ۇلەسىن قوسقان ەكەن. الدارىنان جارىلقاسىن دەيمىز. ءاربىر جارىستىڭ ايعاي-شۋسىز تارتىپپەن ءوتۋى تورەشىلەرگە بايلانىستى ەكەنى بەلگىلى. وسى ءتۋرنيردىڭ جوعارى دەڭگەيدى وتۋىنە ات سالىسقان ءوز سالاسىنىڭ ماماندارى ابباس شاحيزادا مەن جادىگەر راحمانوۆقا قاتىسۋشىلار العاستارىن ايتىپ جاتتى. باۋىرلارعا زور العىسىمىزدى ايتامىز. ويتكەنى، اۋىل-ايماقتارداعى سپورت ارداگەرلەرىنە كوڭىل ءبولۋ ماقتاۋعا لايىقتى قادام دەپ بىلەمىز. وسىنداي الامان ارداگەرلەر جارىسى داستۇرلىك سيپات الىپ جاتسا نۇر ۇستىنە نۇر بولماق.

اقىن ورداباي ۇلى،

الماتى