Almatyda Álem kýbogynyń kezeńi ótedi

28 aqpan men 2 naýryz aralyǵynda Shymbulaq taý kýrortynda frıstaıldan FIS Álem kýbogynyń kezeńi ótedi.

Jarys mogýl / parallel mogýl jáne shańǵy akrobatıkasy boıynsha bolady. Atap aıtqanda, 28 aqpanda – jeke mogýldan, 1 naýryzda – parallel mogýldan, 2 naýryzda – shańǵy akrobatıkasynan jarys ótedi dep josparlanýda.

Frıstaıl álemindegi, ásirese mogýl men shańǵy akrobatıkasyndaǵy jankúıerler mádenıeti-adrenalın, jyldamdyq jáne tań qalystyń mıksi. Munda alyp stadıondar joq, biraq tik betkeı, trassalardyń etegindegi shýly trıbýnalar jáne salqynnan qoryqpaıtyn, súıikti sportshylarynyń ónerin saǵattap kútýge daıyn jankúıerler bar.

Frıstaıl jankúıerleri — jáı kórermen emes, naǵyz ekstremaldy sporttyń baǵalaýshylary. Olar ár trıýkti kóredi, ár sekiristiń aldynda tyna qalady da, sportshylar ǵajap trıýk jasaǵanda aıqaı-shýǵa basady. Munda sekýndtar men balldar ǵana emes, sportshynyń batyly jetip oryndaǵan sporttyq elementi de mańyzdy.

Jarys atmosferasyn sózben aıtyp jetkizý múmkin emes. Elestetińizshi: aıazdy kún, ásem tabıǵat, túrli taý-shańǵy kıimin kıgen adamdar, bireý ystyq sháı usynady, bireý qońyraý syńǵyrlatady, bireý jalaý jelbiretedi,al bireý súıikti sportshysynyń atyn aıqaılaıdy. Ásirese «parallel mogýl» boıynsha qatysatyn sportshylardyń óneri qyzyq, onda atletter bir-birimen belgili bir retpen jarysady, al týrnır kestesiniń aldyńǵy qataryna utqan adam shyǵady.

Frıstaıl fanattary úlken penoplast qoldar, neondy plakattar, tipti ulttyq týdyń túsindeı shańǵy maskalary sııaqty erekshe atrıbýttardy jaqsy kóredi. Keı elderde jeńimpazdardy tek qoshemetpen ǵana emes, qardan shashý shashyp qarsy alady — fanattar qardy ýystap aspanǵa laqtyryp, kishigirim boran áserin týdyrady.

Kóptegen jankúıerlerdiń ózderi shańǵymen nemese snoýbordpen syrǵanaıdy. Olar tek tamashalap qana qoımaı, sportty ózderi de sezinedi, sekirgennen keıin tepe-teńdikti ustaý nemese tegis emes relefte jyldamdyqty ustap qalý qandaı qıyn ekenin biledi. Jankúıerlik mádenıette sportshylarǵa degen syılastyq baǵaly, sebebi olardyń árqasysy sekirý men túsýdiń jyldamdyǵy úshin qansha kúsh jumsalǵanyn túsinedi.

Mogýl men shańǵy akrobatıkasyndaǵy jankúıerler mádenıeti — erkindik, draıv jáne shyn júrekten qoldaý. Munda jáı aıqaılaı bermeıdi, munda adamdar sport dep ómir súredi.

Sportshylar sekirer aldynda bir-birine qoldaý beredi, sporttyq mansabynda olar úlken qıyndyqtardy birge eńserip, jeńisti kúnderde de birge bolady.

Jarysty uıymdastyrýdyń artynda jarysty joǵary halyqaralyq deńgeıde ótkizý úshin kúni-túni jumys isteıtin úlken komanda tur.

Saltanat QAJYKEN,

ALMATY