Kóktemgi stýdenttik lıga: úsh sport – rýhy bir komanda

Almatyda qala ákimi Erbolat Dosaevtyń bastamasymen kóktemgi stýdenttik irikteý lıgasy bastaldy. Bul lıga stýdenttik sportty damytý men jastardyń salaýatty ómir saltyn arttyrýǵa baǵyttalǵan. Jarysqa 35 joǵary oqý orny qatysady. Bıyl alǵash ret jarys úsh sport túrinen – fýtbol, voleıbol jáne basketboldan ótkiziledi.

Týrnırdiń basty ereksheligi – komandalardyń jarysqa tegin qatysýy, ıaǵnı uıymdastyrý jarnasy talap etilmeıdi.

Uıymdastyrýshylar týrnırdiń jaqsy ótýine erekshe mán berip otyr. Jergilikti federaııalarmen birlesip, bekitilgen standarttar men erejelerge saı bilikti tórelik jasalady. Bul oıyndardy joǵary deńgeıde ótkizýge jáne ádil básekelestik ornatýǵa múmkindik beredi. Sondaı-aq, tártip pen ádildikti saqtaý maqsatynda lıga aıasynda daýly jaǵdaılar men talapty buzýshylardy anyqtap, «adal oıyn» qaǵıdasyn qamtamasyz etetin Lıganyń Tártiptik komıteti quryldy.

Osy maýsymdaǵy basty jańalyqtyń biri — resmı saıttar ashyldy. Olar https://asvl.kz, https://asfl.kz, https://sblalmaty.mtgame.ru. dep atalady.

Bul platformalar komandalardy tirkeýge, oıyn kestesin, quramdardy jáne týrnırlik kestelerdi avtomatty túrde qurýǵa múmkindik beredi. Sondaı-aq, alańdaǵy barlyq oqıǵalar — goldar men upaılardan bastap, ár oıynshynyń jeke statıstıkasyna deıin — tolyqtaı onlaın rejımde kórsetiledi.

Barlyq matchtar lıganyń resmı YouTube arnasynda tikeleı efırde kórsetiledi. Bul týrnırdi úlken aýdıtorııa úshin qoljetimdi etip, stýdenttik sportqa degen qyzyǵýshylyqty arttyra túsedi.

Almaty stýdentter lıgasy — bul jaı ǵana jarys emes. Bul — stýdentterdiń sporttyq áleýetin damytýǵa, jastar arasynda buqaralyq sportty nasıhattaýǵa jáne ýnıversıtettik qaýymdastyqty nyǵaıtýǵa arnalǵan úlken alań.

Matchtardyń 26–27 sáýir kúnderine arnalǵan kestesi men ótetin oryndary týraly aqparat:

Matchtar kestesi (26–27 sáýir)
О́tetin orny men ýaqyty

 Fýtbol

 27 sáýir
Bastalýy: 09:00 – 16:00
Mekenjaıy: “SKA” stadıony (Satpaev kóshesi, 6B)

 Voleıbol

 26–27 sáýir
Bastalýy: 09:00 – 20:00
Mekenjaıy: Balýan Sholaq atyndaǵy sport saraıy (Abaı dańǵyly, 44)

 Basketbol

 26 sáýir
Bastalýy: 14:00 – 20:00

 27 sáýir
Bastalýy: 09:00 – 19:30
Mekenjaıy: CK Champion (Qojabekov kóshesi, 6)

 

Saltanat QAJYKEN,

ALMATY