Bokstan U22 ACh: Qazaqstan erler quramasy 10 altyn júlde aldy

Shrı-Lankanyń Kolombo qalasynda bokstan U22 Azııa chempıonaty resmı túrde aıaqtaldy, dep habarlady Týrızm jáne sport mınıstrliginiń Sportty damytý dırekııasy.

Chempıonattyń  sońǵy kúninde erler arasynda 13 salmaq dárejesinde altyn medaldiń ıegerleri anyqtaldy. Qazaqstan quramasynan tek 54 keli salmaqta ǵana ese jiberdi. Bul salmaqta Kenje Muratuly ǵana birinshi jekpe-jekte jeńilip qalsa, basqa 12 salmaqtaǵy boksshylarymyz chempıondyq ataqqa talasýǵa múmkindik aldy. Sonyń nátıjesinde Baqyt Sársekbaev jattyqtyratyn erler quramasy 10 altyn, 2 kúmis júldeni jeńip aldy.

Azııa chempıondary men júldegerleri:

1-oryn. Tileýberdi Súleımen (48 kg)

1-oryn. Dıas Berikbaı (51 kg)

1-oryn. Jasýrbek Anorbaev (57 kg)

1-oryn. Nurıslam Qaldybaev (60 kg)

1-oryn. Baqtııar Anarbaev (67 kg)

1-oryn. Aǵajan Qadyr (71 kg)

1-oryn. Aman Qonysbekov (75 kg)

1-oryn. Baqbergen Álıasqarov (80 kg)

1-oryn. Ibragım Betaev (86 kg)

1-oryn. Azatbek Joldashan (92 kg)

2-oryn. Seraly Jolmaǵanbet (63,5 kg)

2-oryn. Ersultan Sapar (+92 kg)

Erler jekpe-jekterinde Qazaqstan  quramasy 10 altyn, 2 kúmis medal alsa, Qyrǵyzstan boksshylary 2 altyn, 4 kúmis pen 3 qola júlde, Tájikstan –sportshylary 1 altyn, 2 kúmis pen 3 qola medaldi telendi.

Qazaqstannyń erler quramasy óz tarıhynda úshinshi márte 22 jasqa deıingi Azııa chempıonatynda júldege talasty. Birinshi ret 2023 jyly Taıland Koroldiginde 3 altyn, 3 kúmis, 5 qola medal alsa, 2024 jyly Astana tórinde 13 boksshymyz da fınalǵa shyqqanymen, 8 altyn, 5 kúmis medalmen jarysty aıaqtaǵan.

Eki aptaǵa jalǵasqan sary qurlyqtyń dodasynda 19 elden 74 boksshy synǵa túsip, tek Qazaqstan quramasy ǵana tolyq quramda óner kórsetti.

Azııa chempıondary men júldegerleri Halyqaralyq boks federaııasy tarapynan (1-oryn — 1000 AQSh dollary, 2-oryn — 500 dollar,  3-oryn — 250 dollar) aqshalaı syıaqymen marapattaldy.