رىباكينا بيىلعى ماۋسىمداعى العاشقى جەڭىسىنە جەتتى

قازاقستاننىڭ ءبىرىنشى، الەمنىڭ 12-راكەتكاسى ەلەنا رىباكينا فرانتسيانىڭ ستراسبۋرگ قالاسىندا ءوتىپ جاتقان WTA 500 تۋرنيرىندە جەڭىمپاز اتاندى، دەپ حابارلادى قازاقستان تەننيس فەدەراتسياسى.

ول جارىستىڭ ءتورتىنشى راكەتكاسى بولىپ تىركەلىپ، فينالدا الەمنىڭ 19-راكەتكاسى، رەسەيلىك ليۋدميلا سامسونوۆامەن وينادى.

ءبىرىنشى پارتيادا ەسەپ 2:1 بولعان كەزدە رىباكينا برەيك جاساي ءبىلدى. سودان كەيىن قارسىلاسىنا دەس بەرگەن جوق. ەسەپ — 6:1. ەكىنشى سەتتە وتانداسىمىز برەيكپەن العا شىققانىمەن، سامسونوۆا سول بويدا تارازى باسىن تەڭەستىرىپ كەتتى. ەسەپ – 2:2.

تاي-برەيكتە رەسەيلىك سپورتشى ءساتتى وينادى. بۇل كەزدە ەسەپ 7:6 (7:2) بولدى. ال ءۇشىنشى، شەشۋشى سەتتى رىباكينا برەيكپەن باستادى. ءسويتىپ، ەسەپ 3:0 بولىپ، ودان كەيىن تاعى ءبىر برەيك جاسادى. ەسەپ — 5:1. اقىرى تەننيسشى ماتچتى كەزەكتى ەيسپەن تۇيىندەدى. ەسەپ  6:1 بولىپ تىركەلدى.

وسىلايشا، رىباكينا بيىلعى ماۋسىمدا العاشقى تيتۋلىن جەڭىپ الىپ، 142 610 ەۋرو سىياقى الاتىن بولدى. ونىمەن قوسا سپورتشى 500 رەيتينگىلىك ۇپايعا يە بولدى.