О́zbekstan alǵash ret álem chempıonatyna joldama aldy

Fýtboldan О́zbekstannyń ulttyq qurama komandasy alǵash ret álem chempıonatyna joldama aldy. Endi ózbek eliniń jasaǵy kelesi jyly Atlant muhıtynyń ar jaǵynda jatqan AQSh, Kanada jáne Meksıkada ótetin álem chempıonatyna qatysady.

Bul joldamany О́zbekstan quramasy irikteý týrnırde óz tobynda ekinshi orynǵa ıe bolyp, jeńip aldy.

Búgin ala shapandy aǵaıyndar Ábý-Dabıde Birikken Arab Ámirlikteriniń quramasymen 0:0 esebimen teń oınady. Osy esep О́zbekstannyń «A» tobynan mýndıalǵa joldama alýyna jetkilikti boldy. Matchtyń úzdik oıynshysy bolyp О́zbekstan komandasynyń qaqpashysy Ýtkır Iýsýpov tanyldy. Ol birneshe ret seıv jasap, komandany jeńilisten qutqardy.

О́zbekstan kelesi matchta 10 maýsymda Katarmen oınaıdy. Katarda 10 upaı bar. Budan basqa «A» tobynda besinshi orynda 6 upaımen Qyrǵyzstan kele jatyr. Sońǵy orynda Soltústik Koreıa quramasy tur. KHDR-da 2 upaı.

Qazir О́zbekstan komandasy 9 týrdan keıin 18 upaımen ekinshi orynda keledi.. Birinshi orynda 20 upaı jınaǵan Iran eliniń quramasy bolsa, úshinshi orynda Birikken Arab Ámirlikteri tur. Olarda 14 upaı bar.

Kelesi álem chempıonatyna alǵash ret 48 qurama qatysady.

Taǵy bir aıta ketetin nárse, О́zbekstan quramasyn «Aqtóbe» klýbynda oınaǵan Tımýr Kapadze jattyqtyrady. Gazeta.uz saıtynyń habarlaýynsha, ol ulttyq quramaǵa alǵash ret álem chempıonatyna, al jastar komandasyna Olımpııalyq oıyndarǵa joldama alyp bergen jattyqtyrýshy retinde tarıhta qalady.

Dastan KENJALIN,

ASTANA