ازيا ۇلتتار كۋبوگى: قازاقستان قۇراماسى ءتورتىنشى ورىندا قالدى

ۆەتنامنىڭ استاناسى — حانوي قالاسىندا ۆولەيبولدان ايەلدەر قۇرامالارى اراسىندا ءوتىپ جاتقان AVC ۇلتتار كۋبوگىندا قازاقستان قولا جۇلدە ءۇشىن ويىندا قارسىلاسىنان جەڭىلىپ قالدى.

ۇلتتىق قۇرامانىڭ قىزدارى قىتايدىڭ تايبەي كومانداسىمەن الاڭعا شىعىپ، ودان 1:3 (13:25، 16:25، 13:25) ەسەبىمەن ەسە جىبەردى.

بىلتىر وتانداستارىمىزعا ازيا ۇلتتار كۋبوگىن جەڭىپ الۋعا ءبىر قادام جەتپەي قالعا ەدى. سول كەزدە قۇراما كوماندا كۇمىس جۇلدەگە يە بولسا، بيىل مۇلدەم جۇلدەدەن تىس قالدى. ونىڭ ءبىر سەبەبى — توپتىق تۋرنيردە يرانمەن ويىندا قۇرامانىڭ كاپيتانى سانا انارقۇلوۆانىڭ جاراقات الىپ قالۋى.  وسى جاعداي كوماندانىڭ ويىنىن قيىنداتا تۇسكەن سياقتى.

قازاقستان ايەلدەر قۇراماسى 2000-جىلداردىڭ ورتاسىنان بەرى ازيا تۋرنيرلەرىندە جۇلدەلى ورىنداردان كورىنىپ، قىتاي، جاپونيا، كورەيا، تايلاند سياقتى ەلدەرمەن يىق تەڭەستىرىپ باسەكەلەسەتىن ەدى. ال قازىر فيليپپين، قىتايدىڭ تايبەي كوماندالارىنا جەڭىلىپ، دەڭگەيىن ءتۇسىرىپ الىپ وتىر.

داستان كەنجالين،

استانا