Azııa Ulttar kýbogy: Qazaqstan quramasy tórtinshi orynda qaldy

Vetnamnyń astanasy — Hanoı qalasynda voleıboldan áıelder quramalary arasynda ótip jatqan AVC Ulttar kýbogynda Qazaqstan qola júlde úshin oıynda qarsylasynan jeńilip qaldy.

Ulttyq quramanyń qyzdary Qytaıdyń Taıbeı komandasymen alańǵa shyǵyp, odan 1:3 (13:25, 16:25, 13:25) esebimen ese jiberdi.

Byltyr otandastarymyzǵa Azııa Ulttar kýbogyn jeńip alýǵa bir qadam jetpeı qalǵa edi. Sol kezde qurama komanda kúmis júldege ıe bolsa, bıyl múldem júldeden tys qaldy. Onyń bir sebebi — toptyq týrnırde Iranmen oıynda quramanyń kapıtany Sana Anarqulovanyń jaraqat alyp qalýy.  Osy jaǵdaı komandanyń oıynyn qıyndata túsken sııaqty.

Qazaqstan áıelder quramasy 2000-jyldardyń ortasynan beri Azııa týrnırlerinde júldeli oryndardan kórinip, Qytaı, Japonııa, Koreıa, Taıland sııaqty eldermen ıyq teńestirip básekelesetin edi. Al qazir Fılıppın, Qytaıdyń Taıbeı komandalaryna jeńilip, deńgeıin túsirip alyp otyr.

Dastan KENJALIN,

ASTANA