Halyqaralyq IB International Baccalaureate sertıfıkaııasyn tolyq alǵan alǵashqy qazaq mektebi

Elimiz boıynsha alǵashqy qazaq mektebi bolyp ZAMAN mektebi halyqaralyq bakalavrıat (IB) baǵdarlamasynyń TOLYQ certıfıkatyn aldy. Mektep bastaýysh bilim berý deńgeıindegi Primary Years Programme (PYP), orta býyn Middle Years Programme (MP) jáne joǵary synyptarǵa arnalǵan Diploma Programme (DP)  akkredıtteýinen sátti ótti. Sáıkesinshe, qazaq balalary álemniń úzdik bilim tájirıbesin mektep tabaldyryǵynan attaǵannan-aq QAZAQ tilinde oqýǵa jol ashyldy.

Bul jetistik – Qazaqstandaǵy qazaq tilinde bilim beretin mektepterdiń halyqaralyq standarttarǵa sáıkestigin rastaıtyn mańyzdy qadam. 1968 jyly Jenevada negizi qalanǵan bul baǵdarlama qazirgi tańda 150-den astam eldegi 5 myńnan asa mektepte engizilgen.

IB – bul jaı ǵana akademııalyq baǵdarlama emes. Ol oqýshylardy bilim alýǵa, álemdegi jáne elimizdegi aýqymdy máselelerdi anyqtap, olardy sheshýge úıretedi. IB baǵdarlamasy arqyly 3 jastan 19 jasqa deıingi oqýshylar bilimderin halyqaralyq deńgeıde kórsete alady. Mektepte oqýshylar tek sapaly bilim alyp qana qoımaı, sonymen qatar óz betinshe taldaý jasaıtyn, kreatıvti oılaıtyn jáne kópultty ári kópmádenıetti ortada tıimdi qarym-qatynas jasaı alatyn kóshbasshy, jobalyq menedjer retinde qalyptasady.

IB baǵdarlamasynyń maqsaty – zııatkerlik ári jahandyq kóshbasshylardy daıarlaý, olardy qazirgi zamannyń qarqyndy ózgeristerine beıimdelýge úıretý. Elimizdegi birneshe mektep bul baǵdarlama boıynsha sertıfıkattalǵan, degenmen alǵashqy bolyp QAZAQ tilinde bastaýysh mektepten joǵarǵy synyptarǵa deıin tolyq akkredıtteýden alǵashqy bolyp ZAMAN mektebi ótti.

IB baǵdarlamasy bilimniń damýyna, muǵalimderdiń kásibı deńgeıin arttyrýǵa úlken serpin beredi. Oqýshylar úshin bul baǵdarlama – teńdesi joq múmkindik, sebebi IB dıplomy álemniń úzdik ýnıversıtetterinde bilim alýǵa jol ashady. ZAMAN mektebinde IB baǵdarlamasy qazaqstandyq jáne halyqaralyq bilim berý ádistemelerin biriktirip, jan-jaqty oqytýdy qamtamasyz etedi. Sabaqtar qazaq jáne aǵylshyn tilderinde júrgiziledi, bul oqýshylarǵa jahandyq bilim keńistiginde básekege qabiletti bolýǵa kómektesedi. Mektepte IB baǵdarlamasy boıynsha oqytý tájirıbesi bar joǵary bilikti muǵalimder jumys isteıdi, – dep atap ótti mekteptiń negizin qalaýshy Gaýhar Nýrova.

2025 jyldyń qańtar aıynda mektep Middle Years Programme (MYP) baǵdarlamasy boıynsha avtorızaııa aldy, al maýsym aýynda joǵary deńgeıdegi Diploma Programme (DP) baǵdarlamasynyń avtorızaııasyn alyp otyr. IB baǵdarlamasynyń barlyq deńgeılerin alý – mekteptiń álem boıynsha sanaýly bilim ordasy kiretin IB Continuum qataryna kiretinin rastaıdy. Bul mekteptiń damýy ǵana emes, qazaq tilinde otandyq bilim berý sapasyn arttyrý jolyndaǵy asa mańyzdy qadamdardyń biri.

Qazaqstanda IB baǵdarlamasymen oqytatyn mektepterdiń sany áli de az, al ZAMAN mektebi – halyqaralyq standarttardy engizip, oqýshylaryna jańa múmkindikter ashqan alǵashqy bilim ordalarynyń biri. Mekteptiń halyqaralyq jetistikteri – qazaq tilinde bilim beretin mektepterdiń zamanaýı bilim berý júıesine beıimdelýiniń jáne jahandyq bilim berý qaýymdastyǵyna ıntegraııalanýynyń aıqyn dáleli.

Nurlan QUMAR,

ALMATY