SportPress.kz Қазақстан спорт жаңалықтары
Вьетнамның Вунгтау қаласында өтіп жатқан грек-рим күресінен U23 жас санатындағы Азия чемпионатында басқа салмақтағы жүлдегерлер анықталды, деп хабарлады Туризм және спорт министрлігі Спортты дамыту дирекциясының баспасөз қызметі.
Бүгін ерлер 4 салмақта сынға түсті. Соның ішінде Қазақстан командасына 2 жүлде бұйырды. Алтын медальді Ерасыл Мамырбеков (-55 кг), күміс жүлдені Мақсат Сайлау (-87 кг) алды. Сөйтіп, грек-рим күресінен 23 жасқа дейінгі ұлттық құрама Азия чемпионатында бірінші орын алды (4 алтын, 3 күміс, 1 қола медаль).
Сондай-ақ бүгін әйелдер күресінен бірнеше салмақта белдесулер болды. Бұл сында Виктория Хусаинова (-59 кг) Азия құрлығының мықтысы болса, Ангелина Первухина (-55 кг) үздік үштіктен көрінді.
