Vetnamnyń Výngtaý qalasynda ótip jatqan grek-rım kúresinen U23 jas sanatyndaǵy Azııa chempıonatynda basqa salmaqtaǵy júldegerler anyqtaldy, dep habarlady Týrızm jáne sport mınıstrligi Sportty damytý dırekııasynyń baspasóz qyzmeti.
Búgin erler 4 salmaqta synǵa tústi. Sonyń ishinde Qazaqstan komandasyna 2 júlde buıyrdy. Altyn medaldi Erasyl Mamyrbekov (-55 kg), kúmis júldeni Maqsat Saılaý (-87 kg) aldy. Sóıtip, grek-rım kúresinen 23 jasqa deıingi ulttyq qurama Azııa chempıonatynda birinshi oryn aldy (4 altyn, 3 kúmis, 1 qola medal).
Sondaı-aq búgin áıelder kúresinen birneshe salmaqta beldesýler boldy. Bul synda Vıktorııa Hýsaınova (-59 kg) Azııa qurlyǵynyń myqtysy bolsa, Angelına Pervýhına (-55 kg) úzdik úshtikten kórindi.