Anna Danılına Ulybrıtanııadan jeńispen kele jatyr

Qazaqstannyń juptyq syndaǵy birinshi, álemniń 9-raketkasy Anna Danılına Ulybrıtanııanyń  Istbýrn qalasynda jalaýy kóterilgen WTA 250 týrnıriniń jeńimpazy atandy.

Osyǵan deıin Franııanyń ashyq chempıonaty — «Rolan Garros», týrnırinde, London, Nottıngem qalalaryndaǵy jarystarynda fınalǵa deıin jetken tennısshi bul joly chehııalyq Marı Boýzkovamen birge baq synaǵan edi.

Danılına men Boýzkova dýeti fınalda avstralııalyq Maııa Djoınt pen Taıbeı ókili Se Shýveımen bas júldeni sarapqa saldy.

Avstralııanyń tennısshisi Maııa Djoınt — álemniń 51-raketkasy. 19 jasta. Ol jas bolsa da fınalǵa shyǵyp,  jekeleı synda reıtıngide 74-orynda turǵan fılıppındik Aleksandra Ealany 6:4, 1:6, 7:6 (12:10) esebimen jeńip, jeńimpaz tandy. Bul oıyn 2 saǵat 38 mınýtqa sozyldy.

Osydan keıin M.Djoınt Taıbeı ókilimen birge  birden juptyq syndaǵy fınalda oınady.

Birinshi partııada Danılına men Boýzkova 2:0, 4:2 esebimen alǵa shyqqanymen, Djoınt pen Shýveı dýeti tarazy basyn teńestirdi. Degenmen Qazaqstan men Chehııanyń sportshylary taǵy bir breıkpen birge geımdi paıdasyna sheshti. Esep  — 6:4.

Ekinshi sette esep 1:1 bolǵan kezde Danılına men Boýzkova breık jasaǵanymen, qarsylastary da qarap qalmaı, esepti 2:2 etip teńestirdi. Sodan keıin esep 5:3 bolyp, avstralııalyq-taıbeılik jup setke dop bergenimen, ol múmkindigin paıdalana almady. Sóıtip, Danılına men Boýzkova 7:5 esebimen jeńip, týrnırdiń jeńimpazy atandy.

Oıyn 1 saǵat 23 mınýtqa sozyldy. Osy ýaqytta  Anna Danılına men Marı Boýzkova 3 eıspen birge 13 breık-poınttyń beseýin jaqsy paıdalandy. Djoınt pen Shýveı 2 eıs, 3 breık (10 breık-poınt) jasady.

Dastan KENJALIN,

ASTANA