Túrkııada Nurqoja Qaıpanov pen Rızabek Aıtmuhan altyn júldeni jeńip aldy

Grek-rım kúresinen Túrkııanyń Kodjaelı qalasynda ótip jatqan Iashar Dogý, Vehbı Emre jáne Hamıt Kaplan atyndaǵy halyqaralyq týrnırde Qazaqstan quramasynyń úsh balýany júldeni jeńip aldy, dep habarlady Týrızm jáne sport mınıstrliginiń Sport isteri jáne dene shynyqtyrý komıteti.

Týrnırde Nurqoja Qaıpanov (-74 kg) pen Rızabek Aıtmuhan (-97 kg) jeńimpaz atansa, Azamat Dáýletbekov (-86 kg) ekinshi oryndy ıelendi.

Nurqoja Qaıpanov fınalda Ramazan Ramazanovty (Bolgarııa), Rızabek Ahmed Magomaevty (Bolgarııa) jeńdi. Al Azamat Dáýletbekov Álı okaevtan (Ázirbaıjan) jeńildi.

Búgin Iashar Dogý, Vehbı Emre jáne Hamıt Kaplandy eske alýǵa arnalǵan halyqaralyq týrnıri aıaqtalady. Onda erkin kúres sheberleri qalǵan salmaqta jeńimpazdy anyqtaıdy.