World Boxing: Qazaq boksshylary ýaqytynan buryn jarytlaı fınalǵa shyqty

Bokstan Jaqsylyq Úshkempirov atyndaǵy Jekpe-jek saraıynda Álem kýbogynyń shırek fınaldyq jekpe-jekter bolyp jatyr, dep habarlady Týrızm jáne sport mınıstrligi Sportty damytý dırekııasynyń baspasóz qyzmeti.

Kúndizgi sessııada kútpegen jerden 60 kg salmaqta Serik Temirjanov japonııalyq sportshyǵa ese jiberdi. Ázirshe bul salmaqta otandastarymyzǵa iri jarystardyń júldesi buıyrmaı keledi.

80 kg salmaqta Nurbek Oralbaı men 57 kg salmaqta Aıdana Zabynbekova rıngke shyqpaı-aq, jartylaı fınalǵa shyqty. Osy oraıda Aıdana Zabynbekova alǵashqy iri dodasynda eshkimmen kezdespeı, júldegerlerdiń qataryna kirip úlgerdi. 70 kg salmaqta Natalıa Bogdanova terezesi teńdeı jekpe-jekte Brazılııa sportshysynan jeńisti julyp aldy.

Keshki sessııada álem chempıony Mahmud Sabyrhan 4 márte fılıppındik boksshyny nokdaýnǵa jiberip, merziminen buryn jeńse, 75 kg salmaqta Sabyrjan Aqqalyqov tehnıkalyq sheberligimen Kanada ókiline esh múmkindik qaldyrmady. Asa aýyr salmaqta Aıbek Oralbaı qabaǵyndaǵy jaraqatyn eskerip, Italııa boksshysymen óte saq judyryqtasty.

Aıqastyń eń qyzyq sáti sheshýshi raýndta tirkelip, tóreshi qos boksshyǵa da eskertý berdi. Nátıjesinde Aıbek Oralbaı 4:1 esebimen basym tústi.

Erteń de boks jankúıerleri shırek fınaldy keshki 19:00-de tamashalaı alady.