SportPress.kz قازاقستان سپورت جاڭالىقتارى
الەمدىك تەننيس شەبەرى، الەمنىڭ ەكس-ءبىرىنشى راكەتكاسى، US Open-2021 چەمپيونى، اۆستراليا اشىق چەمپيوناتتارىنىڭ ءفيناليسى (2021، 2022، 2024)، 2020 جىلعى ATP قورىتىندى ءتۋرنيرىنىڭ جەڭىمپازى، جەكەلەي سىندا 20 ATP جارىسىندا ۇزدىك شىققان، 2021 جىلعى دەۆيس جانە ATP كۋبوگىنىڭ يەگەرى دانيل مەدۆەدەۆ الماتى قالاسىندا 11-19 قازاندا وتەتىن Almaty Open ATP 250 دوداسىنا قاتىساتىنىن راستادى، دەپ حابارلادى قازاقستان تەننيس فەدەراتسياسى.
مەدۆەدەۆتىڭ قاتىسۋى جارىس دەڭگەيىن كوتەرىپ، ونى ماۋسىمنىڭ ەڭ ماڭىزدى وقيعالارىنىڭ قاتارىنا قوسادى. جانكۇيەرلەر قازىرگى زامانعى تەننيستىڭ ەڭ جارقىن وكىلدەرىنىڭ ءبىرىنىڭ ويىنىن كوزبە-كوز تاماشالاۋعا مۇمكىندىك الىپ وتىر.
دانيل مەدۆەدەۆ قازاقستان تۋرالى جاقسى پىكىردە. ول 2022 جىلى استانادا ATP 500 تۋرنيرىندە ونەر كورسەتىپ، جارتىلاي فينالعا دەيىن جەتتى. وندا ماتچبولدارى بولا تۇرا، بولاشاق چەمپيون نوۆاك دجوكوۆيچكە جول بەردى. ال ءجاسوسپىرىم كەزىندەگى العاشقى تيتۋلىن وسكەمەندە جەڭىپ الدى. بۇل ونىڭ كاسىبي تەننيستەگى ۇلكەن جولىنىڭ باستاۋى بولدى.
مەن الماتىدا العاش رەت وينايتىنىما قۋانىشتىمىن. بۇل – مەنىڭ تەننيس ساپارىمداعى جاڭا بەلەس. مەن قازاقستان جانكۇيەرلەرىنىڭ قوناقجايلىلىعى، جىلى ىنتا-ىقىلاسى تۋرالى كوپ ەستىدىم. كورتتا كەزدەسكەنشە!، — دەدى دانيل مەدۆەدەۆ.
ۇيىمداستىرۋشىلار تولىققاندى باعدارلاما دايىنداۋدا جانە بارلىق تەننيس جانكۇيەرلەرىن الەمدەگى جىلدىڭ باستى سپورت وقيعالارىنىڭ ءبىرىن تاماشالاۋعا شاقىرادى.
