Danııl Medvedev Almaty Open ATP 250 týrnırinde oınaıdy

Álemdik tennıs sheberi, álemniń eks-birinshi raketkasy, US Open-2021 chempıony, Avstralııa ashyq chempıonattarynyń fınalısi (2021, 2022, 2024), 2020 jylǵy ATP qorytyndy týrnıriniń jeńimpazy, jekeleı synda 20 ATP jarysynda úzdik shyqqan, 2021 jylǵy Devıs jáne ATP kýbogynyń ıegeri Danııl Medvedev Almaty qalasynda 11-19 qazanda ótetin Almaty Open ATP 250 dodasyna qatysatynyn rastady, dep habarlady Qazaqstan tennıs federaııasy.

Medvedevtiń qatysýy jarys deńgeıin kóterip, ony maýsymnyń eń mańyzdy oqıǵalarynyń qataryna qosady. Jankúıerler qazirgi zamanǵy tennıstiń eń jarqyn ókilderiniń biriniń oıynyn kózbe-kóz tamashalaýǵa múmkindik alyp otyr.

Danııl Medvedev Qazaqstan týraly jaqsy pikirde. Ol 2022 jyly Astanada ATP 500 týrnırinde óner kórsetip, jartylaı fınalǵa deıin jetti. Onda matchboldary bola tura, bolashaq chempıon Novak Djokovıchke jol berdi. Al jasóspirim kezindegi alǵashqy tıtýlyn О́skemende jeńip aldy. Bul onyń kásibı tennıstegi úlken jolynyń bastaýy boldy.

Men Almatyda alǵash ret oınaıtynyma qýanyshtymyn. Bul – meniń tennıs saparymdaǵy jańa beles. Men Qazaqstan jankúıerleriniń qonaqjaılylyǵy, jyly ynta-yqylasy týraly kóp estidim. Kortta kezdeskenshe!, — dedi Danııl Medvedev.

Uıymdastyrýshylar tolyqqandy baǵdarlama daıyndaýda jáne barlyq tennıs jankúıerlerin álemdegi jyldyń basty sport oqıǵalarynyń birin tamashalaýǵa shaqyrady.