Aqtaýda 10 myń adamǵa zamanaýı stadıon salynady

Mańǵystaý oblysy ákimi Nurdáýlet Qılybaıdyń tóraǵalyǵymen ótken jıynda Aqtaý qalasynda salynatyn jańa stadıonnyń tujyrymdamasy talqylandy, dep habarlady óńir basshysynyń baspasóz qyzmeti.

Jobany «Qazaq energetıka jáne baılanys ǵylymı-zertteý jobalaý ınstıtýty» JShS ókilderi tanystyrdy. Jospar boıynsha Aqtaýda 10 000 kórermenge arnalǵan kópfýnkıonaldy stadıon boı kóteredi. Jańa sport nysany zamanaýı talaptarǵa saı salynyp, fýtbol akademııasymen jabdyqtalady. Munda sportshylarǵa qajetti barlyq jaǵdaı jasalyp, oqý-jattyǵý alańdary, kıim aýystyratyn bólmeler, medıınalyq pýnkt pen jattyǵý zaldary qarastyrylady, — delingen habarlamada.

Jobalaý jumystary kelesi jyly tolyq aıaqtalyp, qurylys kezeńine ótý josparlanǵan. Oblys ákimi Nurdáýlet Qılybaı jobalaý-izdestirý jumystaryn baqylaýda ustaýdy jáne belgilengen merzimde aıaqtaýdy tapsyrdy.