سپورتتىق ادەپ نورمالارى قولدانىستاعى زاڭناماعا سايكەستەندىرىلدى

تۋريزم جانە سپورت مينيسترلىگى 2020 جىلعى 28 اقپانداعى №51 بۇيرىقپەن بەكىتىلگەن «قازاقستان رەسپۋبليكاسىنىڭ سپورتتىق ادەبى» قۇجاتىن جاڭارتىپ، قولدانىستاعى زاڭنامانىڭ نورمالارىنا سايكەستەندىردى، دەپ حابارلادى اتالعان ۆەدومستۆو.

قۇجات 2025 جىلى كۇشىنە ەنگەن «دەنە شىنىقتىرۋ جانە سپورت تۋرالى» زاڭنىڭ جاڭا رەداكتسياسىنا بايلانىستى وزگەرتىلدى. بۇل نورماتيۆتىك-قۇقىقتىق اكتىلەردى جاڭا زاڭ تالاپتارىنا بەيىمدەۋدى قاجەت ەتتى.

بۇيرىق بۇرىنعىشا سپورتشىلار، جاتتىقتىرۋشىلار، تورەشىلەر جانە سپورت سالاسىنداعى وزگە دە تۇلعالار ءۇشىن مىنەز-ق ۇلىق نورمالارىن ايقىندايدى. ول زاڭ تالاپتارى مەن جالپىعا ورتاق مورالدىق-ەتيكالىق قاعيداتتارعا نەگىزدەلگەن.

اتالعان وزگەرىستەر تەحنيكالىق سيپاتقا يە جانە قۇجاتتىڭ مازمۇندىق نەگىزىنە اسەر ەتپەيدى. وزگەرىستەر نەگىزىنەن تەرمينولوگيانى ناقتىلاۋعا جانە تۇجىرىمدامالىق اپپاراتتى جاڭارتۋعا باعىتتالعان. اتاپ ايتقاندا:

➡️«ۇلتتىق قۇراما كوماندا» دەگەن ەسكى تەرميننىڭ ورنىنا قازىرگى تالاپقا ساي «قازاقستان رەسپۋبليكاسىنىڭ سپورت ءتۇرى بويىنشا ۇلتتىق قۇراما كومانداسى» ۇعىمى ەنگىزىلدى;

➡️ۇعىمدار قاتارىنا «سپورت تورەشىسى» تەرمينى قوسىلىپ، ونىڭ وكىلەتتىكتەرى مەن بىلىكتىلىك تالاپتارى ناقتىلاندى;

➡️بۇقارالىق اقپارات قۇرالدارى انىقتاماسى جاڭارتىلدى. ەندى زاماناۋي كوممۋنيكاتسيا تالاپتارىنا ساي «ماسس-مەديا» تەرمينى قولدانىلدى.

➡️ماڭىزدى: 2020 جىلعى بۇيرىقتىڭ باستاپقى رەداكتسياسىندا بەكىتىلگەن جانە وتاندىق سپورتتىڭ «ار-نامىس كودەكسىنە» اينالعان سپورتتىق ەتيكانىڭ نەگىزگى ەرەجەلەرى وزگەرىسسىز قالدى. قولدانىستاعى نورمالارعا سايكەس:

ادال ويىن قاعيداتتارىن ساقتاۋ;

قارسىلاستارعا، تورەشىلەرگە، جانكۇيەرلەر مەن باق وكىلدەرىنە قۇرمەتپەن قاراۋ;

قوعامدىق تارتىپكە قايشى نەمەسە قورلايتىن ارەكەتتەرگە جول بەرمەۋ;

سپورتتىق ورتادا جوعارى مورالدىق ۇلگى كورسەتۋ قاعيداتتارى ساقتالادى.

وسىلايشا، سپورتتىق ەتيكا ەرەجەلەرى زامان تالابىنا، زاڭ تالابىنا سايكەس جاڭارتىلعانىمەن، ءوز ءمانىن جوعالتپاي، سپورت جۇيەسىندە جۇرگەندەر ءۇشىن ادەپ نۇسقاۋلىق قۇرالى بولىپ قالا بەرەدى.