SportPress.kz Qazaqstan sport jańalyqtary
Týrızm jáne sport mınıstrligi 2020 jylǵy 28 aqpandaǵy №51 buıryqpen bekitilgen «Qazaqstan Respýblıkasynyń sporttyq ádebi» qujatyn jańartyp, qoldanystaǵy zańnamanyń normalaryna sáıkestendirdi, dep habarlady atalǵan vedomstvo.
Qujat 2025 jyly kúshine engen «Dene shynyqtyrý jáne sport týraly» Zańnyń jańa redakııasyna baılanysty ózgertildi. Bul normatıvtik-quqyqtyq aktilerdi jańa zań talaptaryna beıimdeýdi qajet etti.
Buıryq burynǵysha sportshylar, jattyqtyrýshylar, tóreshiler jáne sport salasyndaǵy ózge de tulǵalar úshin minez-qulyq normalaryn aıqyndaıdy. Ol zań talaptary men jalpyǵa ortaq moraldyq-etıkalyq qaǵıdattarǵa negizdelgen.
Atalǵan ózgerister tehnıkalyq sıpatqa ıe jáne qujattyń mazmundyq negizine áser etpeıdi. О́zgerister negizinen termınologııany naqtylaýǵa jáne tujyrymdamalyq apparatty jańartýǵa baǵyttalǵan. Atap aıtqanda:
➡️«Ulttyq qurama komanda» degen eski termınniń ornyna qazirgi talapqa saı «Qazaqstan Respýblıkasynyń sport túri boıynsha ulttyq qurama komandasy» uǵymy engizildi;
➡️uǵymdar qataryna «sport tóreshisi» termıni qosylyp, onyń ókilettikteri men biliktilik talaptary naqtylandy;
➡️Buqaralyq aqparat quraldary anyqtamasy jańartyldy. Endi zamanaýı kommýnıkaııa talaptaryna saı «mass-medıa» termıni qoldanyldy.
➡️Mańyzdy: 2020 jylǵy buıryqtyń bastapqy redakııasynda bekitilgen jáne otandyq sporttyń «Ar-namys kodeksine» aınalǵan sporttyq etıkanyń negizgi erejeleri ózgerissiz qaldy. Qoldanystaǵy normalarǵa sáıkes:
adal oıyn qaǵıdattaryn saqtaý;
qarsylastarǵa, tóreshilerge, jankúıerler men BAQ ókilderine qurmetpen qaraý;
qoǵamdyq tártipke qaıshy nemese qorlaıtyn áreketterge jol bermeý;
sporttyq ortada joǵary moraldyq úlgi kórsetý qaǵıdattary saqtalady.
Osylaısha, sporttyq etıka erejeleri zaman talabyna, zań talabyna sáıkes jańartylǵanymen, óz mánin joǵaltpaı, sport júıesinde júrgender úshin ádep nusqaýlyq quraly bolyp qala beredi.
