Quzǵa órmeleýden Álem kýbogy: Rıshat Haıbýllın – kúmis júldeger!

Franııanyń Shamonı qalasynda ótip jatqan quzǵa órmeleýden Álem kýbogynyń kezeńinde ulttyq qurama komandanyń sportshysy Rıshat Haıbýllın kúmis medal ıelendi, dep habarlady Týrızm jáne sport mınıstrliginiń Sportty damytý dırekııasy.

Ol áýeli jyldamdyq baǵdarlamasynyń irikteýinde 5.03 sekýnd nátıje kórsetip, 8-orynmen pleı-off kezeńine joldama aldy. Jartylaı fınalda tóbege 4.83 sekýndta kóterilip, jeke rekordyn jańartty (munda álem rekordy 4.64 sekýnd). Al fınalda Parıj Olımpıadasynyń qola júldegeri, Álem kýbogynyń birneshe dúrkin ıegeri amerıkalyq Samıýel Ýotsonǵa ese jiberdi.

Azdap sharshadym. Biraq osy jarystan júlde jeńip alǵanyma erekshe qýanyshtymyn. Maǵan Shamonı qalasy qatty unaıdy. Álem kýbogyn ótkizýge taptyrmas jer eken, — dedi Rıshat Haıbýllın fınaldan keıin Halyqaralyq quzǵa órmeleý federaııasynyń baspasóz qyzmetine bergen suhbatynda.

Taǵy bir sportshymyz Ámir Maımuratov irikteýde ekinshi oryn aldy (4.89 sekýnd). Alaıda otandasymyz sheshýshi kezeńde qarsylasyna ese jiberdi.

Shamonı — men úshin erekshe qala. Munda men álem kýbogyndaǵy alǵashqy fınalyma qatysqam. Krakovtaǵy kezeńnen keıin kóp ýaqyt ótken joq. Menińshe, sondyqtan osy jarysta bári joǵary nátıje kórsetti,- dedi Ámir Maımuratov fınaldan keıin Halyqaralyq quzǵa órmeleý federaııasynyń baspasóz qyzmetine bergen suhbatynda.