«Chelsı» — klýbtar arasyndaǵy álem chempıony! (VIDEO)

Búgin Amerıka Qurama Shtattarynda fýtboldan klýbtar arasyndaǵy álem chempıonaty aıaqtaldy.

Fınalda Anglııanyń «Chelsı» klýby Franııanyń «Parı Sen-Jermen» komandasyn jeńip, ekinshi ret álem chempıony atandy. Matchta aǵylshyndar klýbynyń oıynshylary qarsylastarynyń qaqpasyna qaýipti jaǵdaı jasaı bastady. Sonyń nátıjesinde oıynnyń 22-mınýtynda Koýl Palmer esep ashsa, odan keıin ol  30-mınýtta taǵy da nysanany dál kózdedi.

43-mınýtta Koýl Palmer taǵy da kózge tústi. Ol Joao Pedroǵa pas berip, onyń sońy golǵa aınaldy. Osylaısha, «Chelsı» 3:0 esebimen jeńip, alǵash ret klýbtar arasyndaǵy álem chempıonatynyń bas júldesin basynan asyrdy.

Álem chempıonatynyń júlde qory  1 mıllıard AQSh dollary boldy. «Chelsı» 125 mıllıon dollardy ıelendi. Qalǵan qarajatty qatysýshy 31 klýb alǵan oryndaryna baılanysty bólisti.

Bıylǵy dop dodasynda 32 komanda synǵa tústi.

Buǵan deıin 2021 jyly «Chelsı» klýbtar arasyndaǵy álem chempıonatyn jeńip alǵan bolatyn. Sol kezde aǵylshyndar komandasy Brazılııanyń «Palmeıras» klýbyn jeńgen edi. Al Madrıdtiń «Real» jasaǵy klýbtar arasyndaǵy álem chempıony ataǵyn bes ret ıelengen.

Dastan KENJALIN,

ASTANA