SportPress.kz Qazaqstan sport jańalyqtary
Memleket basshysynyń joǵary jetistikter sportyn jáne buqaralyq sportty damytýǵa baǵyttalǵan júıeli qoldaýy men strategııalyq sheshimderiniń nátıjesinde Qazaqstan halyqaralyq sport arenasyndaǵy ornyn nyqtap keledi. Bul týraly Týrızm jáne sport mınıstrligi habarlady.
Bıylǵy alǵashqy alty aıda elimizge 13 halyqaralyq sport federaııasy men ulttyq olımpıada komıtetteriniń basshylary keldi. Bul – Qazaqstannyń álemdik sport qaýymdastyǵyndaǵy bedeliniń artyp, atqarylyp jatqan memlekettik saıasatqa degen senimniń joǵary ekenin kórsetedi.
Prezıdent tapsyrmalaryn oryndaý maqsatynda Týrızm jáne sport mınıstrligi halyqaralyq federaııalarmen yntymaqtastyqty keńeıtý, ınfraqurylymdy damytý jáne elimizde mańyzdy sporttyq is- sharalardy ótkizý baǵytynda keshendi jumystar atqarýda, — delingen habarlamada.
Elimizdiń álemdik sport arenasyndaǵy basqarýshylyq rólin kúsheıtýdegi alǵashqy mańyzdy qadam – sala mınıstri Erbol Myrzabosynovtyń Halyqaralyq dzıýdo federaııasy (IJF) Dırektorlar úılestirý komıtetiniń múshesi bolyp saılanýy boldy. Atalǵan komıtet 13 eldiń ókilderinen quralǵan jáne álemdik dzıýdonyń strategııalyq damýyna jaýapty, 20 komıssııanyń jumysyn úılestiredi. Qazaqstan – bul qurylymda Ortalyq Azııadan ókildik etetin jalǵyz memleket.
Sondaı-aq elimizdiń halyqaralyq uıymdardaǵy áleýetiniń arta túskenin memleket basshysynyń baspasóz hatshysy Rýslan Jeldibaıdyń IJF-tiń jańa tehnologııalar jáne tıimdilikti arttyrý boıynsha komıssııasynyń quramyna enýi dáleldeıdi.
Elimizde ınstıtýıonaldyq jáne sporttyq baǵyttar qatar damyp keledi:
2027 jyly dzıýdodan álem chempıonaty Qazaqstanda bolady. Bul otandyq dzıýdo tarıhyndaǵy ekinshi álem chempıonaty;
2023 jyldan bastap Astanada Grand Slam serııasyndaǵy Qazaqstan Barysy týrnıri uıymdastyrylyp keledi (bıyl otandyq sportshylar 9 medal jeńip aldy. Júlde qory – 154 000 eýro);
2024 jyldyń mamyrynda elordada paradzıýdodan (IBSA) álem chempıonaty boldy. Oǵan 38 elden 300-den astam sportshy qatysty;
Astanada halyqaralyq deńgeıdegi tóreshiler men jattyqtyrýshylardy daıarlaıtyn IJF akademııasyn ashý josparlanýda, — delingen habarlamada.
Sonymen qatar dzıýdo el ishinde de jappaı damyp keledi – búginde bul sport túrimen 160 000-nan astam adam aınalysady. Bul qadamdar Qazaqstandy halyqaralyq sport qozǵalysynda belsendi ári senimdi seriktes retinde turaqty túrde ilgeriletýge baǵyttalǵan.
