Шахматтан ӘЧ: Қазақстан пара спортшылары тоғыз медаль алды

Үндістанның Гоа қаласында шахматтан 21-30 шілде аралығында өткен әлем чемпионатында Қазақстан командасының пара спортшылары тоғыз медаль жеңіп алды.

Бұл әлемдік додаға 18 елден 100-ден астам спортшы қатысты. Ол шахматтың классика, блиц және рапид ойын түрлерінен болды.

Чемпионатта классикалық шахматтан Аяулым Қамбарова, Бақытжан Майкенов пен Әлімжан Аяпов қола жүлдені иеленсе, блиц ойын түрінен Аяулым Қамбарова мен Бақытжан Майкенов күміс, ал Серік Солтанов пен Әлімжан Аяпов қола жүлдеге ие болды.

Рапид бойынша Аяулым Қамбарова мен Әлімжан Аяпов екінші орын алды.

Дастан КЕНЖАЛИН,

АСТАНА