كاۆكازدا قازاق بوكسشىنىڭ ءىنىسىنىڭ دەنەسى تابىلدى

گرۋزيادا بەلگىلى كاسىپقوي بوكسشى سەرىك مۋساديلوۆتىڭ ءىنىسى شىڭعىس مۋساديلوۆتىڭ ءمايىتى تابىلدى، دەپ حابارلادى Prosport.kz.

ول 3 تامىزدان 4 تامىزعا قاراعان ءتۇنى تبيليسيدەگى تۇنگى كلۋبتاردىڭ ءبىرىنىڭ جانىندا بولىپ، سودان كەيىن حابارسىز كەتكەن. بايلانىسقا شىقپاي، ۇيىنە دە، جۇمىسىنا دا بارماعان.

جاس جىگىتتىڭ تۋىستارى جان-جاققا حابارلاسىپ، قۇقىق قورعاۋ ورگاندارىنان كومەك سۇراعان. الايدا ەشقانداي ناتيجە بولماي، شىڭعىستىڭ دەنەسى 27 تامىزدا تابىلدى.

ازىرگە شىڭعىس مۋساديلوۆتىڭ قالاي قايتىس بولعانى تۋرالى ەشقانداي مالىمەت جوق. بۇل اقپاراتتى قازاقستاننىڭ گرۋزياداعى ەلشىلىگى راستادى، — دەلىنگەن حابارلامادا.

سەرىك مۋساديلوۆ – قازاقستانداعى بولاشاعىنان ءۇمىت كۇتتىرەتىن كاسىپقوي اۋىر سالماقتاعى بوكسشى. ول «پاندا» لاقاپ اتىمەن تانىمال. وسى كەزگە دەيىن «پاندا» 10-نان استام جەكپە-جەككە شىعىپ، كوبىسىن نوكاۋتپەن جەڭگەن.