Kavkazda qazaq boksshynyń inisiniń denesi tabyldy

Grýzııada belgili kásipqoı boksshy Serik Mýsadılovtyń inisi Shyńǵys Mýsadılovtyń máıiti tabyldy, dep habarlady Prosport.kz.

Ol 3 tamyzdan 4 tamyzǵa qaraǵan túni Tbılısıdegi túngi klýbtardyń biriniń janynda bolyp, sodan keıin habarsyz ketken. Baılanysqa shyqpaı, úıine de, jumysyna da barmaǵan.

Jas jigittiń týystary jan-jaqqa habarlasyp, quqyq qorǵaý organdarynan kómek suraǵan. Alaıda eshqandaı nátıje bolmaı, Shyńǵystyń denesi 27 tamyzda tabyldy.

Ázirge Shyńǵys Mýsadılovtyń qalaı qaıtys bolǵany týraly eshqandaı málimet joq. Bul aqparatty Qazaqstannyń Grýzııadaǵy elshiligi rastady, — delingen habarlamada.

Serik Mýsadılov – Qazaqstandaǵy bolashaǵynan úmit kúttiretin kásipqoı aýyr salmaqtaǵy boksshy. Ol «Panda» laqap atymen tanymal. Osy kezge deıin «Panda» 10-nan astam jekpe-jekke shyǵyp, kóbisin nokaýtpen jeńgen.